Daniyeli 10:3 - Bibliya Yera 1951 1967 (Burundi)

³ Nta binōbōye narya, nta nyama canke vino vyangera no mu kanwa kandi sinaruha nīsīga amavuta, gushitsa ah’ ayo mayinga ukw ar’ atatu yose ashiriye.

Daniyeli 10:3 Referans Kwoze

Matayo 6:17

Ariko weho, ni wisonzesha, wīsīge amavuta mu mutwe, wiyuhagire mu maso,

Amosi 5:11

Nuko rero, ko mwasiribanze umurushwa, mukamutoza utugano twiwe; amazu mwiyubakishirije amabuye abajwe, ntimuzoyabamwo; imirima myiza y’imizabibu mwateye, ntimuzonywa vino zayo.

Daniyeli 11:8

kand’ ibigirwamana vyabo na vyo, n’ibishushanyo vyavugutiwe, n’ibintu vyabo vyiza‐vyiza vy’imbombovu vy’ifeza n’ivy’ izahabu, azobinyaga abijane muri Egiputa; maz’ azomara imyaka aretse umwami w’i burārūko.

1 Korinto 9:27

kandi ndwanya umubiri wanje, nkawuhindura umuja, kugira ngo kumbure mmaze kwigisha abandi, nanje ubganje sinze mboneke ko ntemewe.

Nahumu 2:9

Ni musahure amafeza, musahure n’amazahabu, kukw itunga ririho ritimirije gushira, bo n’isinzi ry’ ibintu vyose vy’imbombovu bihimbaye.

Daniyeli 6:18

Nuk’ umwami asubira mu ngoro yiwe, akesha ijoro adafūnguye, ata n’ivyo kumunezereza bamuzanira; ntiyaruha agoheka.

Yobu 33:20

Bigatuma umutima wiwe uhura ivyo kurya, Akazinukwa ibiryoshe.

2 Samweli 19:24

Na Mefibosheti umwuzukuru wa Sauli aramanuka, aza gusanganira umwami; uhereye umusi umwami yagīriye, ugashitsa umusi yagarukiye i we amahoro, ntiyongeye kwiyoga ibirenge, canke ngw aringanize ubganwa, canke ngw amesure impuzu.

Luka 7:46

Ntiwansutse amavuta ku mutwe: arik’ uyu ansīze amavuta atāmirana ku birenge.

Daniyeli 10:12

Maz’ arambgira, ati Nta co utinya, Daniyeli; kuk’ uhereye umusi washiriye umutima ku gutahura, no kwicisha bugufi imbere y’Imana yawe, amajambo yawe yarumviswe; kand’ ayo majambo yawe nyene ni yo anzanye.