Amosi 5:4 - Bibliya Yera 1951 1967 (Burundi)

⁴ Kuk’ ukw ari k’Uhoraho abariye inzu ya Isirayeli, at’ Abe ari jewe musiguza, kugira ngo mubone kubaho:

Amosi 5:4 Referans Kwoze

2 Ivyo ku Ngoma 15:2

aja gusanganira Asa, aramubarira, ati Ni muntege amatwi, yewe Asa, mwe n’Abayuda n’Ababenyamini mwese: Uhoraho azokomeza kubana namwe ni mwakomeza kubana na we, kandi ni mwamurondera muzomubona; ariko ni mwamuheba na we azobaheba.

Zefaniya 2:3

Murondere Uhoraho, yemwe bagwaneza mwese bo kw isi, bashitsa amabgirizwa yiwe: murondere ubugororotsi, bo n’ukwicisha bugufi; kumbure muzokinjishwa ku musi w’uburake bg’ Uhoraho.

Zaburi 14:2

Uhoraho acishirīza mu bantu, ari mw ijuru, Kugira ngw arābe ko harimw’ abatāhūra, Barondera Imana.

Yesaya 55:3

Mutege amatwi, muze kuri jewe; munyumve, ni ho ubugingo bganyu buzobaho; nanje nzosezerana namwe isezerano ritazoshira, ni ryo mbabazi Dawidi yasezeraniwe zitazovaho.

Matayo 7:8

Kuk’ ūsaba wese ahabga; ūrondera aronka; ūramutsa yugururirwa.

1 Ivyo ku Ngoma 28:9

Kandi nawe, mwana wanje Salomo, ukwiye kumenya Imana ya so, uyisabane umutima utunganye kand’ ukunze; kuk’ Uhoraho asuzuma imitima yose, akamenya imigabo yose n’ivyiyumviro vyose. Ni wamurondera uzomubona, ariko ni wamuvako, azoguheba gushitsa ibihe vyose.

2 Ivyo ku Ngoma 20:3

Yehoshafati agira ubgoba, aca agira umwete wo kurondera Uhoraho, ashinga umusi wo kwisonzesha mu Buyuda hose.

Amosi 5:6

Jewe Uhoraho abe ari jewe musiguza, kugira ngo mubone kubaho; noye kuzosūmira inzu ya Yosefu nk’ umuriro, nkayitongora, i Beteli hataribuboneke uwo kuyizimya.

Zaburi 69:32

Abaciye bugufi bazobirāba banezerwe; Yemwe abarondera Imana, imitima yanyu isubizwemw’ ubugingo.

Zaburi 27:8

Wavuze, uti Ni murondere mu nyonga hanje; umutima wanje urakwishuye, Uti Mu nyonga hawe ndaharondera, Uhoraho.

Zaburi 22:26

Abaciye bugufi bazorya bahāge, Abarondera Uhoraho bazomuhimbaza: Imitima yanyu irambe ibihe vyose.

2 Ivyo ku Ngoma 34:3

Mu mwaka ugira umunani ari ku ngoma, akir’ umwana, yatanguye kurondera Imana ya sekuruza Dawidi; maze mu mwaka ugira icumi na kabiri atangura gutunganya i Buyuda n’i Yerusalemu, ahakūra ibitabo vyo ku mpinga z’imisozi, n’inkingi bāshingiye Ashera, n’ibishushanyo bibājwe bo n’ivyavugutiwe mu nkero;

Gusubira mu Vyagezwe 4:29

Arikw iyo ni mwaharonderera Uhoraho Imana yanyu, mukamurondeza imitima yanyu yose n’ubugingo bganyu bgose, muzomubona.

Gusubira mu Vyagezwe 32:46

arababarira, ati Mushire imitima yanyu ku majambo yose mbabariye uyu musi, muze muyatoze abana banyu kugira ngo baze bitondere amajambo yose y’ivyo vyagezwe, babishitse.

Gusubira mu Vyagezwe 32:47

Ivyo ntimubigire ivyoroshe; kukw ari vyo bugingo bganyu, kandi ni mwavyitondera bizobahesha kurambira mu gihugu, ico mugiye kujabuka Yorodani ngo mucinjire.

Yesaya 31:1

Bazobona ibara, abamanuka baja muri Egiputa gutabaza, bakishimira amafarasi, bakizigira imikogote ikwegwa n’ amafarasi kukw ari myinshi, bo n’abagendera ku mafarasi kukw ar’ abanyenkomezi nyinshi, ariko ntibashire umutima ku Wera w’Abisirayeli, kandi ntibarondere Uhoraho.

EZEKIYELI 18:9

akagendera mu vyagezwe vyanje, akitondera amabgirizwa yanje ngw akore ivy’ ukuri; ben’ uyo aba ar’ umugororotsi, ntazobura kubaho, ni k’Umwami Uhoraho agize.

2 Abami 20:3

ati Tegēra, Uhoraho we, ni wibuke ingene nagendera mu vy’ukuri imbere yawe n’umutima utunganye, ngakora ivyo ubona kw ari vyiza. Hezekiya ararira cane.

2 Ivyo ku Ngoma 20:4

Maz’ Abayuda bose bakoranira hamwe ngo basabe Uhoraho abatabare; nuko bava mu bisagara vyose vy’i Buyuda bazanywe no kurondera Uhoraho.

Zaburi 69:33

Kuk’ Uhoraho yumva abakene, Ntakēngēra imbohe ziwe.

Yeremiya 38:20

Yeremiya aramwishura, ati Ntibazobaguha. Ndakwinginze, wumvire Uhoraho mur’ ivyo nkubariye: ni ho uzomererwa neza, ukikiza.

Hoseya 10:12

Mubibe mugendereye ukugororoka, mubone kwimbura nk’ukw imbabazi ziri; mumene imishike yanyu; kukw igihe kigeze co kurondera Uhoraho, gushitsa ah’ azozira, akabarekurira imvura y’ubugororotsi.