Amosi 1:5 - Bibliya Yera 1951 1967 (Burundi)

⁵ Kandi nzovunagura ibihindizo vy’i Damasiko, mpenebereze ababa mu kiyaya c’i Aveni, bo n’uwitwaje icumu ry’ubugabe w’i Beti‐Edeni; kand’ ihanga ry’i Siriya rizokwambukanwa i Kiri ar’ inyagano, ni k’Uhoraho agize.

Amosi 1:5 Referans Kwoze

2 Abami 16:9

Nuk’ umwami w’i Ashuri aramwemerera, aradūga atera i Damasiko, arahatsinda; abaho abajana ar’ inyagano i Kiri, kandi yica Rezini.

Amosi 9:7

Mbega ntimumbereye nk’Abanyetiyopiya, ga mwa Bisirayeli mwe? ni k’Uhoraho abaza. Mbega si jewe nadūganye Abisirayeli mbakūye mu gihugu ca Egiputa, n’Abafilisitiya nkabakūra i Kafutori, n’Abasiriya nkabakūra i Kiri?

Yeremiya 51:30

Abahizi b’i Babuloni bahevye kurwana, bigungiye mu bihome vyabo, ubutōre bgabo buraheze, bacitse bga bagore: amazu yaho yanzwe umuriro; ibihindizo vyaho biravunaguritse.

GUCURA INTIMBA 2:9

Amarembo yaho anyikiye mu kuzimu; ibihindizo vyaho yaravyononye, arabivunagura: Umwami waho n’abaganwa baho bari mu mahanga; nta vyagezwe bikiriho: Mber’ abavugishwa n’Uhoraho ntibakigira ivyo beretswe na we.

Nahumu 3:13

Eh’ abantu bawe bari muri wewe bameze bga bagore; amarembo y’igihugu cawe yugururiwe abansi bawe: umuriro watōngōye imyugariro yawe.

Yeremiya 50:36

Inkota iri ku birata, kandi bazoyinga; inkota iri ku bahizi baho, kandi bazoranduka imitima.

Yesaya 43:14

Uku ni k’Uhoraho agize, Umucunguzi wanyu, Uwera w’ Abisirayeli, ati Natumye i Babuloni kubganyu, nzomanura abaho bose ar’ impunzi, ni bo Bakaludaya, mu māto bishimira.

Yesaya 22:6

Abelamu bapfukūye imitana, Abaramu baje bagendera ku mafarasi, kand’ ab’i Kiri basokoroye inkinzo.

EZEKIYELI 27:23

Ab’i Harani n’ab’i Kanehe n’abo muri Edeni n’abadandaji b’i Sheba no muri Ashuri n’i Kilumadi bār’ abadandaji bawe.

2 Abami 14:28

Nukw ibindi vyose vyadonzwe kuri Yerobowamu, n’ivyo yakoze vyose, n’ivy’ ubuhizi bgiwe, n’ingene yarwanye intambara, n’uburyo yagaruriye Ubgisirayeli i Damasiko n’i Hamati, ahanyaze Abayuda, none ntivyanditswe mu gitabo c’ivyo ku ngoma z’abami b’Abisirayeli?

Yesaya 8:4

Kuk’ uwo mwana ataramenya ubgenge bgo guhamagara, ati Data, canke Mama, ubutunzi bg’i Damasiko n’ iminyago y’i Samariya bizojanwa kw inyagano n’umwami w’i Ashuri.

EZEKIYELI 30:17

Imisore yo muri Aveni n’iy’ i Pibeseti izoririkwa n’inkota: kand’ abo mur’ ivyo bisagara bazojanwa ar’ inyagano.

Hoseya 10:8

Ibitabo vyatabge muri Aveni, ari vyo gicumuro c’Abisirayeli, na vyo bizosangangurwa; amahwa n’ibitovu bizomera ku bicaniro vyabo; maze bazobarira imisozi, bati Ni mudupfuke; n’imirambi, bati Ni mutugweko.

Amosi 5:5

ariko ntimukabarize i Beteli, canke ngo muje i Gilugali, canke ngo mushike i Beri‐sheba: kukw ab’i Gilugali bazokwambukanwa ar’ inyagano, n’i Beteli hazotītūka.