Amosi 1:3 - Bibliya Yera 1951 1967 (Burundi)

³ Uku ni k’Uhoraho agize, ati Kubg’ ibicumuro bitatu vy’i Damasiko, mbere ni bine, sinzovyirengagiza; kuko bāhūraguje i Gileyadi ibibando vy’ivyuma:

Amosi 1:3 Referans Kwoze

Amosi 2:6

Uku ni k’Uhoraho agize, ati Kubg’ ibicumuro bitatu vy’Abisirayeli, mbere ni bine, sinzovyirengagiza; kuko bāguze umugororotsi amahera, n’umukene bakamugura inkweto.

Amosi 1:9

Uku ni k’Uhoraho agize, ati Kubg’ ibicumuro bitatu vy’i Tiro, mbere ni bine, sinzovyirengagiza; kuko bajanye ihanga ryose ar’ inyagano, bakabashora ku Banyedomu, ntibibuke isezerano ry’ umuvukano.

Yesaya 8:4

Kuk’ uwo mwana ataramenya ubgenge bgo guhamagara, ati Data, canke Mama, ubutunzi bg’i Damasiko n’ iminyago y’i Samariya bizojanwa kw inyagano n’umwami w’i Ashuri.

2 Abami 8:12

Maze Hazayeli aramubaza, at’ Urizwa n’iki ga mugenzi? Aramwishura, ati N’uko mbona ibibi uzogirira Abisirayeli; amaboma yabo uzoyatongoza umuriro, n’abasore babo uzobicisha inkota; utuyoya twabo uzotumenagura, abagore babo bafise inda uzobafomoza.

Amosi 2:4

Uku ni k’Uhoraho agize, ati Kubg’ ibicumuro bitatu vy’Abayuda, mbere ni bine, sinzovyirengagiza; kuko bātītūye ivyagezwe vyanje, jewe Uhoraho, ntibitondere amabgirizwa yanje, kand’ ibigirwamana vyabo vy’ibinyoma vyarabajimije, ari vyo ba sekuruza babo nyene bākurikira.

Amosi 2:1

Uku ni k’Uhoraho agize, ati Kubg’ ibicumuro bitatu vy’i Mowabu, mbere ni bine, sinzovyirengagiza; kuko baturiye amagufa y’umwami w’Abanyedomu, bayahindura nk’ishwagara.

Amosi 1:13

Uku ni k’Uhoraho agize, ati Kubg’ ibicumuro bitatu vy’Abamoni, mbere ni bine, sinzovyirengagiza; kuko bāfomoje inda abagore b’i Gileyadi, kugira ngo barye imbibe zabo, bāgukirwe.

Amosi 1:6

Uku ni k’Uhoraho agize, ati Kubg’ ibicumuro bitatu vy’i Gaza, mbere ni bine, sinzovyirengagiza; kuko bajanye ihanga ryose ar’ inyagano, bakabashora ku Banyedomu:

Zekariya 9:1

Imbūri y’ijambo ry’Uhoraho yo ku gihugu c’i Haduraki, izoshinga ibande i Damasiko: kukw abantu bose, n’imiryango yose y’Abisirayeli, bahanze amaso Uhoraho;

Amosi 1:11

Uku ni k’Uhoraho agize, ati Kubg’ ibicumuro bitatu vy’i Edomu, mbere ni bine, sinzovyirengagiza; kuko yakinagije mwene nyina n’inkota, akamiriranya icitwa imbabazi cose, uburake bgiwe ntibuhengeshanye kurandamurana, akabīka akazīka ibihe vyose.

Yesaya 41:15

Rāba nzoguhindura igisekuzo gisha, gikarishe gifise amenyo: uzohūragura imisozi uyinoze, uzohindura uturambi nk’ umuguruka.

Yesaya 7:8

Kukw iremezo ry’i Siriya ari Damasiko, kand’ iremezo ry’i Damasiko ari Rezini; kand’ imyaka mirongwitandatu n’itanu itarashira Abefurayimu bazovungwavungwa, ntibabe bakiba ihanga;

Umusiguzi 11:2

Uhe umugabane abantu ndwi, mbere na munani; kuk’ utazi icago cotera mw isi.

Imigani 6:16

Har’ ibintu bitandatu Uhoraho yanka, Mbere n’indwi bimusesema:

Yobu 19:3

Ubu n’ubugira icumi munshinyagurira; Nta n’agasoni mugira ko kungirira nabi.

Yobu 5:19

Izokurokora mu vyago bitandatu, Mbere no mu vyago ndwi nta kibi kizogukorako.

2 Abami 13:7

Kuk’ umwami w’i Siriya ata co yasigarije Yehowahazi mu ngabo, atar’ abagendera ku mafarasi mirongwitanu, n’imikogote cumi, n’ abagendesha amaguru ibihumbi cumi; abandi yari yarabaranduye, abahindura nk’umukungugu wo ku mbuga.

2 Abami 13:3

Maz’ uburake bg’Uhoraho buziriringira Abisirayeli, akāma abagabura mu maboko ya Hazayeli umwami w’i Siriya, no mu ya Beni‐hadadi mwene Hazayeli nyene.

1 Abami 19:17

Maz’ ūzokira inkota ya Hazayeli, Yehu azomwica; ūzokira iya Yehu, Elisa azomwica.

2 Abami 16:9

Nuk’ umwami w’i Ashuri aramwemerera, aradūga atera i Damasiko, arahatsinda; abaho abajana ar’ inyagano i Kiri, kandi yica Rezini.

Yesaya 7:16

Kuk’ uwo mwana ataramenya ubgenge bgo kwanka ibibi no gukunda ivyiza, igihugu c’abo bami bompi wagiriye ubgoba kizocika amatongo.

Yesaya 28:27

Kuk’ uburo budahūzwa imihini ifise ubugi, na kumino ntihūzwa no gutembagazwako ikurudumu y’umukogote; arik’ uburo buhūzwa umuhini, na kumino ihūzwa ikibando.

Zekariya 9:2

irishinge n’i Hamati hahereranye na ho, bo n’i Tiro n’i Sidoni, nah’ ar’ abanyabgenge bginshi.