Amosi 1:11 - Bibliya Yera 1951 1967 (Burundi)

¹¹ Uku ni k’Uhoraho agize, ati Kubg’ ibicumuro bitatu vy’i Edomu, mbere ni bine, sinzovyirengagiza; kuko yakinagije mwene nyina n’inkota, akamiriranya icitwa imbabazi cose, uburake bgiwe ntibuhengeshanye kurandamurana, akabīka akazīka ibihe vyose.

Amosi 1:11 Referans Kwoze

2 Ivyo ku Ngoma 28:17

kukw Abanyedomu bāri bongeye gutera i Buyuda, bakahanesha, bakajana abaho ar’ inyagano.

Malaki 1:4

Naho Edomu yavuga, ati Dutsinzwe hasi, ariko tuzosubira kwubaka ahāsanganguwe; uku ni k’Uhoraho Nyen’ ingabo agize, ati Bazokwubaka, ariko nanje nzosambura. Abantu bazobīta intāra y’ibigabitanyo, babīte n’ubgoko Uhoraho yama arakiye ibihe bidashira.

Yoweli 3:19

Egiputa hazocika amatongo, na Edomu hazohinduka ubugaragwa bg’uruharabuga, bazize inabi bagiriye Abayuda, kuko mu bihugu vyabo bahavishirije amaraso y’abatācumuye.

Zaburi 137:7

Uhoraho, ibuka Abanyedomu Ivyo bagize wa musi w’i Yerusalemu; Ni bo bavuze, bati Ni muhasangangure, ni muhasangangure, Mushitse no kw itanguriro ryaho.

Mika 7:18

N’iyihe Mana ihwanye nawe, iharira ibigabitanyo, ikīrengagiza igicumuro c’amasigarira y’abo yīzīziye? Ntuhorana uburake imisi yose, kuk’ uhimbarwa no kugira imbabazi.

Umusiguzi 7:9

Ntukihutire kuraka mu mutima: kuk’ uburake bgama mu mushaha w’ibipfu.

Gusubira mu Vyagezwe 23:7

Ntimuze mugirire akazīka Abanyedomu, kuko mur’ akara kamwe, kandi ntimugirire akazīka Abanyegiputa, kuko mwar’ inyambukīra mu gihugu cabo.

Abanyefeso 5:1

Nuko mwīgāne Imana, nk’abana ikunda.

Malaki 1:2

Narabakunze, ni k’Uhoraho agize. Yamara muravuga, muti Wadukunze mu biki? Mbega Esau ntiyari mukuru wa Yakobo? ni k’Uhoraho abaza; ariko rero nakunze Yakobo,

Yesaya 57:16

Kuko ntotongana ibihe vyose, kandi sinokwama ndatse: kukw imitima n’ubugingo naremye vyodendebukirirwa imbere yanje.

Zaburi 85:5

Mbeg’ uzoturakira ibihe bidashira? Uzokomeza uburake bgawe ibihe vyose?

Zekariya 1:15

Kandi nshavuriye cane amahanga yidibamiye, kuko Yerusalemu nari mpashavuriye buhoro, maze bo bakahasonga.

2 Ivyo ku Ngoma 20:10

Nuko none, ehe rāba Abamoni n’Abanyamowabu n’abo ku musozi Seyiri, abo wari warabujije Abisirayeli ngo ntibabatere, hamwe bāva mu gihugu ca Egiputa, bagaca hirya ntibabarandure,

2 Ivyo ku Ngoma 20:11

none rāba ivyo batwishuye: baje kutwirukana mw ishamvu yawe, iyo waduhaye ngo tuyegukire.

Hoseya 8:3

Ereg’ Abisirayeli bataye ivyiza: umwansi azobakinagiza.