Abanyefeso 4:3 - Bibliya Yera 1951 1967 (Burundi)

³ mushishikaye kuzigamisha ubumwe buva kuri Mpwemu umugozi w’amahoro.

Bibiliya mu Kirundi coroshe

³ Mugire ishaka ryo kuzigama ubumwe bwo muri Mpwemu kandi mufatanywe n’umugozi w’amahoro.

Abanyefeso 4:3 Referans Kwoze

1 Korinto 1:10

Ariko ndabinginga, bene Data, mw izina ry’Umwami wacu Yesu Kristo, mwese mube imvugarimwe, kandi n’ibice ntibiremwe muri mwebge, ariko mutunganywe rwose hamwe, muhūje umutima n’inama.

Abaheburayo 12:14

Mukurikire kugiriranira amahoro n’abantu bose, n’ukwezwa, kuk’ ūtejejwe atazorāba Umwami;

Yohana 13:34

Ndabaha icagezwe gisha: ni mukundane; nk’uko nabakunze, abe ari ko namwe mukundana.

2 Korinto 13:11

Ibisigaye bene Data, muganūke; mutungane rwose, mwemere guhanūrwa, muhuze imitima, mubane amahoro. Ni ho Imana Nyen’ urukundo n’amahoro izobana namwe.

1 Tesalonike 5:13

mububahe rwose mu rukundo kubg’ igikorwa cabo. Mubane amahoro.

Abanyefeso 4:4

Harih’ umubiri umwe, na Mpwemu umwe, nk’uko kandi mwahamagariwe icizigiro kimwe c’ihamagarwa ryanyu.

Abanyefeso 4:13

kugeza aho twese tuzoshikira ku kugiriranira ubumwe buva ku kwizera n’ukumenya Umwana w’Imana, kandi kugeza aho tuzoshikira kuba abantu bakuze, no ku rugezo rw’ubginshi bg’ukunengesera kwa Kristo:

Kuvayo 28:32

urwano rw’aho gucisha umutwe ruze rusaturwe muri wo hagati, kand’ urwo rwano ruze rutērwekw akandi kajishano kameze nk’umusōzo karukīkūze, rube nk’urwano rw’ikanzo y’icuma, kugira ngo ntiruze rucike.

1 Abami 16:21

Maz’ Abisirayeli bigabanyamw’ ibice bibiri, igice kimwe gikurikira Tibuni mwene Ginati, kugira ngo bamwimike, ikindi gikurikira Omuri.

Umusiguzi 4:12

Nah’ umuntu yoshobora kunesha umwe, babiri bomunanira, kand’ igitsibo c’imigozi itatu ntigicika vuba.

Mariko 3:24

Ubgami iyo bgitandukanije ubgabgo, ubgo bgami ntibushobora kurama.