Abanyefeso 1:16 - Bibliya Yera 1951 1967 (Burundi)

¹⁶ ntahengeshanya kubashimira Imana, mbahoza mu kanwa uko nsenze,

Bibiliya mu Kirundi coroshe

¹⁶ sinduhuka gushimira Imana ku bwanyu. Ndabibuka uko nsenze.

Abanyefeso 1:16 Referans Kwoze

Kolosayi 1:9

Ni co gituma natwe, uhereye igihe twavyumviye, tudahengeshanya kubasengera, no kubasabira ngo mwuzuzwe ukumenya ivy’ igomba n’ubgenge bgose no kumenya ivy’ impwemu,

Kolosayi 1:3

Dushima Imana Se w’Umwami wacu Yesu Kristo, twama tubasengera ubudasība,

2 Tesalonike 1:3

Biradukwiye kwama tubashimira Imana, bene Data, nk’uko bikwiye, kuk’ ukwizera kwanyu gukura cane, n’urukundo rw’ umuntu wese muri mwebge mukundana rugwira.

1 Tesalonike 1:2

Mwese tubashimira Imana imisi yose, tubahoza mu kanwa uko dusenze,

1 Samweli 12:23

Kandi nanje, ntibikanzeko ko noreka kubasengera, ngacumura k’Uhoraho, ariko nzokwama mbarangira inzira nziza itunganye.

1 Tesalonike 5:17

musenge ubudasība;

Yesaya 62:6

Ewe Yerusalemu, nshize abashibamyi hejuru ku nzitiro zawe z’amabuye; nta ho bazocereza ku murango no mw ijoro; yemwe abibutsa Uhoraho ntimukaruhuke,

1 Samweli 7:8

Abisirayeli babarira Samweli, bati Ntuhengeshanye kudutakambira k’Uhoraho Imana yacu, kugira ngw adukize, ntidukorokere mu maboko y’Abafilisitiya.

Itanguriro 40:14

Maz’ uz’ unyibuke, ni wamara kumererwa neza, uz’ untabare, ndakwinginze, umvugire kuri Farawo, unkūze mur’ iyi nzu.