Abalewi 9:22 - Bibliya Yera 1951 1967 (Burundi)

²² Maze Aroni aterura amaboko, atumbereye abantu, arabahezagira; araheza arururuka, ava aho yatangiye ca kimazi catangiwe ivyaha, na ca kimazi coshejwe, na ca kimazi c’ishimwe.

Abalewi 9:22 Referans Kwoze

Luka 24:50

Abavanaho, abashitsa aharābana n’i Betaniya, aterura amaboko, arabahezagira.

Gusubira mu Vyagezwe 21:5

Maz’ abaherezi bo mu ruvyaro rwa Lewi bīgire hafi, kukw abo ari bo Uhoraho Imana yanyu yatoranije ngo bamuhereze, ngo bahezagire n’abantu mw izina ryiwe, kandi ni bo basanzwe baca imanza zose z’imiburano n’iz’ inguma.

1 Petero 3:9

ntimugere ikibi ku kindi, cank’ igitutsi ku kindi; ariko mubigerāne n’umuhezagiro, kukw ico ari co mwahamagariwe, kugira ngo namwe muragwe umugisha.

2 Korinto 13:14

Ubuntu bg’Umwami wacu Yesu Kristo, n’urukundo rw’Imana, n’ubumwe buva kuri Mpwemu Yera, bibane namwe mwese.

Ivyakozwe 3:26

Ni mwebge Imana yatanguye gutumak’ Umushumba wayo imaze kumuzura, kugira ngw abahe umugisha, abahindure, umuntu wese ave mu bibi vyiwe.

Mariko 10:16

Arabarera, arabahezagira, abarambitsekw ibiganza.

Zaburi 72:17

Izina ryiwe rizohorah’ ibihe bidashira, Izina ryiwe rizogira uruvyaro, izuba rikiriho: Abantu bazokwisabira umugisha wo guhwana na we, Amahanga yose azomwita umuhirwe.

2 Ivyo ku Ngoma 6:3

Maz’ umwami arahindukira, ahezagira ikoraniro ryose ry’Abisirayeli; kand’ iryo koraniro ryose ryari rihagaze.

1 Ivyo ku Ngoma 23:13

Bene Amuramu bāri Aroni na Mose; kandi Aroni yari yarobanuwe kugira ngo yezwe, abe uwera cane, bo n’abahungu biwe, gushitsa ibihe vyose, ngo bame bosereza imibavu imbere y’Uhoraho, bamusukūrire, basabire abantu umugisha mw izina ryiwe ibihe vyose.

1 Abami 8:55

Arahagarara, asabira ikoraniro ryose ry’Abisirayeli umugisha, avuga n’ijwi rirenga,

Gusubira mu Vyagezwe 10:8

Mur’ ico gihe Uhoraho arobanura umuryango w’Abalewi kugira ngo barerure ya sandugu y’ isezerano ryiwe, kandi ngo bahagarare imbere yiwe bamuhereze, bahezagire n’abantu mw izina ryiwe, nk’uko biri na bugingo n’ ubu.

Kuvayo 39:43

Mose yitegereza ivyo bākoze vyose, asanga barabiroranije; nk’uk’ Uhoraho yari yaravuze, ni ko bābikoze: Mose arabahezagira.

Guharūra 6:22

Uhoraho abarira Mose,