Abalewi 27:3 - Bibliya Yera 1951 1967 (Burundi)

³ Umuhungu cank’ umugabo, uhereye k’ūmaze imyaka mirongwibiri gushitsa k’ūshikanye mirongwitandatu, uzoba ukwiye kumucira shekeli z’ifeza mirongwitanu, zagezwe kuri shekeli ir’ Ahēra.

Abalewi 27:3 Referans Kwoze

Kuvayo 30:13

Iyi abe ari yo ncungu batanga, umuntu wese ukw arēngāna ashirwa mu gitigiri c’abaharūwe, atange ikigabane ca shekeli yagezwe kuri shekeli ir’ Ahēra: shekeli imwe irimwo gera mirongwibiri; ikigabane ca shekeli kize kibe ari co banshikanira.

Guharūra 18:16

Kandi ku vy’incungu zo kubacungura, uze wāke incungu uzocira uhereye ku bamaze ukwezi kumwe bavutse, iz’ ibe shekeli zitanu zagezwe ku y’Ahēra; kandi shekeli ni co kimwe na gera mirongwibiri.

Abalewi 27:25

Kand’ igiciro cose uzohora ucira, kize kibe shekeli zagezwe kuri shekeli ir’ Ahēra: shekeli imwe ikwiye kubamw’ ingero yitwa gera mirongwibiri.

2 Abami 12:4

Bukeye Yowasi abarira abaherezi, at’ Amahera yose azanwa mu ngoro y’Uhoraho, atanzwe mu buryo bg’inyegu, ari yo mahera y’ incungu z’abaharūwe, n’ayo umuntu wese aciriwe, n’ayo umuntu wese azokwiyumvira mu mutima wiwe kuzana mu ngoro y’Uhoraho;

Guharūra 3:47

uz’ ubāke shekeli zitanu kw incungu, umuntu umwe‐umwe ku mutwe wiwe; shekeli uzokwāka zize zibe izigezwe kuri shekeli ir’ Ahēra: shekeli imwe irimwo gera mirongwibiri.

Abalewi 27:14

Umuntu ni yarobanura inzu yiwe, akayimpa ngw ibe iyera, umuherezi az’ ayicire igiciro imaze, gihwanye n’ukw ari nziza cank’ ari mbi; igiciro uwo muherezi azoyicira, kize kigume uko.

Abalewi 6:6

Anzanire ico kimazi ciwe c’impongano c’impfizi y’intama itagira agasembga, ikūwe mu mukuku, iz’ ibe iyimaze igiciro uzocira gikwiranye n’ikimazi c’impongano; agishire umuherezi.

Abalewi 5:15

ati Ni hagira umuntu ampomvya ku bintu vyera ngerewe, agakora icaha kitar’ ic’ ibigirankana; az’ anzanire ikimazi ciwe c’impongano c’impfizi y’intama itagira agasembga, ikūwe mu mukuku, iz’ ibe iyimaze igiciro uzocira, ca shekeli z’ifeza zagezwe kuri shekeli ir’ ahēra, ibe ikimazi c’impongano.

Abalewi 27:4

Ni yaba umukobga cank’ umugore, uzoba ukwiye kumucira shekeli mirongwitatu.

Kuvayo 38:24

Amazahabu yose yakoreshejwe mu gucura ivy’ iryo hema vyose, ari yo mazahabu y’amashikanwa, yanganya kuriba n’ italanto mirongwibiri n’icenda na shekeli amajana ndwi na mirongwitatu, yagezwe kuri shekeli ir’ Ahēra.