Abalewi 26:8 - Bibliya Yera 1951 1967 (Burundi)

⁸ Batanu muri mwebge bazokinagiza ijana, n’ijana muri mwebge bazokinagiza ibihumbi cumi, abansi banyu bazohindikiranywa n’ inkota imbere yanyu.

Abalewi 26:8 Referans Kwoze

Yosuwa 23:10

arik’ umwe muri mwebge akinagiza abantu igihumbi, kuk’ Uhoraho Imana yanyu ari we abarwanira, nk’uko yababgiye.

Gusubira mu Vyagezwe 28:7

Uhoraho azotuma abansi banyu babakūriye hasi batsindirwa imbere yanyu: bazozanana inzira imwe babateye, babahunge baciye mu nzira ndwi.

Gusubira mu Vyagezwe 32:30

Umwe yoshoboye ate gukinagiza igihumbi, Na babiri kwirukana ibihumbi cumi, Iyo ca Gitandara cabo atabagura, Iy’ Uhoraho atabagabura?

1 Ivyo ku Ngoma 11:20

Kandi Abishayi murumuna wa Yowabu ni we yar’ umukuru wa bamwe mirongwitatu. Yarāgūriye icumu abantu amajana atatu, arabahindikiranya, aronka izina rya rurangiranwa mur’ abo mirongwitatu.

Guharūra 14:9

Mugabo ntimugararize Uhoraho, kandi ntimutinye ben’ ico gihugu: tuzobarya bga mutsima; icābakingira cabavuyeko, ariko tweho Uhoraho ari mu ruhande rwacu: nta co mubatinya!

1 Ivyo ku Ngoma 11:11

Ngaba abahizi Dawidi yar’ afise, nk’ukw igitigiri cabo kiri. Yashobeyamu Umunyahakimoni, ni we yar’ umukuru wa bamwe batatu; ni we yarāgūriye icumu abantu amajana atatu, abahindikiranya umusi umwe.

Abalewi 26:7

Muzokinagiza abansi banyu, bahindikiranywe n’inkota imbere yanyu.

Abacamanza 15:15

Abona urwāsaya rw’indogoba rutarūma, atuma ukuboko araruraha, arwicisha abantu igihumbi.

Esiteri 9:16

Kand’ abandi Bayuda bāri mu bihugu umwami aganza birema inteko, barirwanira, bica mu babisha ibihumbi mirongwirindwi na bitanu; baraheza baruhuka abansi babo. Ariko ntibākojeje ukuboko kwabo kw isahu.

Zekariya 12:8

Kur’ uwo musi Uhoraho azokīranira ababa i Yerusalemu; umunyantege nke wo muri bo kur’ uwo musi azomera nka Dawidi; kand’ inzu ya Dawidi izomera nk’Imana, nk’ umumarayika w’Uhoraho ar’ imbere yabo.

Guharūra 31:4

Mu muryango wose wo mu miryango y’Abisirayeli mukūremw’ ingabo igihumbi‐igihumbi, mubarungike gutera.