Abalewi 26:6 - Bibliya Yera 1951 1967 (Burundi)

⁶ Kandi nzoha ico gihugu kugira impore, muzokwiryamira ata kibateye akōba: kandi nzohaherengeteza ibikōko vy’inkazi, kandi nta nkota izogera mu gihugu canyu.

Abalewi 26:6 Referans Kwoze

Yesaya 35:9

Nta ntambge izohaba, nta gikōko na kimwe c’inkazi kizoyigeramwo, ntibizoyibonekamwo: arikw abācunguwe ni bo bazoyicamwo.

Zefaniya 3:13

Amasigarira y’Abisirayeli ntibazokora ivyo kugabitanya, canke ngo bavuge ibinyoma, kandi nta rurimi rw’ubugunge ruzoboneka mu kanwa kabo: bazorisha bagaramange, ata wubateye ubgoba.

Zaburi 147:14

Igihugu cawe agiha impore, Aguhāza ingano zisētse neza.

Yeremiya 30:10

None rero ntutinye, ewe Yakobo musavyi wanje, ni k’Uhoraho agize; nturanduke umutima, ewe Isirayeli: kuko rāba nzogukiza ngukūre kure, uruvyaro rwawe ndarukūre mu gihugu rwajanywemwo ar’ inyagano; Yakobo azogaruka, kand’ azoba amahoro ata nkomanzi, kandi nta wuzomutera ubgoba.

Hagayi 2:9

Ubgiza bgo hanyuma buzoba kur’ iyi ngoro buzorusha ubga mbere, ni k’Uhoraho Nyen’ ingabo agize, kand’ aha hantu nzohaha amahoro, ni k’Uhoraho Nyen’ ingabo agize.

Hoseya 2:18

Maze kur’ uwo musi nzosezerana isezerano n’ibikōko vyo mw ishamba, n’ibisīga vyo mu kirēre, n’ivyikwega hasi, kubganyu: kandi nzoca umuheto n’inkota n’intambara bibavire mu gihugu, ntume baryama amahoro.

EZEKIYELI 34:25

Kandi nzosezerana na zo isezerano ry’amahoro, kandi nzoherengeteza ibikōko vy’inkazi mu gihugu: maze zizokwibera amahoro mu gahinga, zīryamire mu mashamba.

Zaburi 29:11

Uhoraho azoha abantu biwe inkomezi, Uhoraho azoha abantu biwe umugisha w’amahoro.

EZEKIYELI 14:15

Kandi ni natērēra igihugu ibikōko vy’inkazi, bikagisivya kigahinduka amatongo, ntihabe hakigira umuntu agicamwo kubg’ ivyo bikōko,

Yobu 11:19

Kand’ uzokwiryamira, ntihagire ūgutera ubgoba; Mbere benshi bazogusaba ng’ ubatonere.

Kuvayo 23:29

Sinzogīrako ngo mbirukane imbere yanyu mu mwaka umwe, kugira ngw igihugu coye guhinduka amatongo, ibikōko vyo mw ishamba bikagwira bikabatera.

Yohana 14:27

Amahoro ndayabasigaranye, amahoro yanje ndayabagabiye. Jeho simbagabira nk’ukw ab’ isi bagaba. Imitima yanyu ntihagarare, kandi ntitinye.

Zekariya 9:10

Muri Efurayimu nzohaca imikogote, n’i Yerusalemu nzohaca amafarasi, kand’ imiheto y’intambara izocibga. Uyo azobgira amahanga ivy’ amahoro, kand’ ubgami bgiwe buzohēra ku kiyaga bushike ku kindi, buhēre no kuri rwa Ruzi bushike ku mpera y’isi.

Mika 4:4

Arik’ umuntu wese azokwībēra musi y’umuzabibu wiwe no musi y’umusukoni wiwe; kandi nta wuzobakanga: kukw akanwa k’Uhoraho Nyen’ ingabo ari ko kabivuze.

EZEKIYELI 14:17

Cank’ ico gihugu ni nagitērēra inkota, nkavuga, nti Wa nkota we, genda unyuragire mu gihugu, kugira ngo nkiranduremw’ abantu n’ibitungano,

EZEKIYELI 5:17

kandi nzobatēza kigoyi n’ibikōko vy’inkazi, bikugire nyakamara; ikīza n’ibitenga vy’amaraso bizoca muri wewe, kandi nzogutērēra inkota: ni jewe Uhoraho mbivuze.

Zaburi 85:8

Hinge numve ivyo Imana, Uhoraho, igira ivuge: Kukw izobgira abantu bayo n’abakunzi bayo ivy’ amahoro; Ariko ntibaze basubire mu bupfu.

Zaburi 4:8

Nzokwama ndyama nsinzire ata co nicura, Kukw ari wewe wenyene, Uhoraho, umpa kuba amahoro.

1 Ivyo ku Ngoma 22:9

Riti Rāba uzovyara umwana w’umuhungu, azoba umunyamahoro, riti Kandi nzomuha kuba impore hagati y’abansi biwe bose bamukikije; kukw izina ryiwe azokwitwa Salomo; riti Kandi nzoha Ubgisirayeli amahoro n’umutēkāno ku ngoma yiwe.

2 Abami 2:24

Arakebuka; ababonye abavuma mw izina ry’Uhoraho. Nuko haca haza ibikōko bibiri vy’idubu z’ingore zivuye mw ishamba, zitabagura abahungu mirongwine na babiri bo muri bo.

Abaroma 5:1

None rero, ko twatsindanishirijwe no kwizera, dufise amahoro ku Mana kubg’ Umwami wacu Yesu Kristo,

Ivyakozwe 12:6

Ku musi Herode bgāca amubashikiriza, mur’ iryo joro Petero yar’ asinziriye hagati y’abasoda babiri, aboheshejwe iminyororo ibiri, abateramyi bāri ku rugi barinda inzu y’ibohero.

EZEKIYELI 14:21

Kuk’ ukw ari k’Umwami Uhoraho agize, ati Mbega ntibizorushiriza kuba birtyo kuri Yerusalemu, igihe nzoharekurira ivyo bihano bihambaye ukw ari bine, ni vyo nkota n’inzara n’ibikōko vy’inkazi n’ ikīza, kugira ngo ndaharandure abantu n’ibitungano?

Yeremiya 31:26

Bishitse aho ndikangura, nsanga itiro ryari rindyoheye.

Yesaya 45:7

Ni jewe nkomoko y’umuco, nd’ umuremyi w’umwiza; nd’ isōko y’impore, nd’umuremyi w’ivyago: ni jewe Uhoraho nkora ivyo vyose.

Yesaya 9:7

Ukugwira kw’ubutware bgiwe n’amahoro ntibizogira iherezo, ku ngoma ya Dawidi no ku bgami bgiwe, bibukomeze, bibushigikize guca imanza zibereye n’ukugororoka, uhereye none ugashitsa ibihe vyose. Umwete w’Uhoraho Nyen’ ingabo uzoshitsa ivyo.

Zaburi 3:5

Nararyama, ngasinzira, Nkīkangura, kuk’ Uhoraho ari we ampagarikiye.

Imigani 6:22

Bizokuja imbere ugenda, Bizoguteramira usinziriye, Bizoyāga nawe wikanguye.

Imigani 3:24

Ni waryama ntuzogira ubgoba, Mber’ uzoryama, ugire itiro riryoshe.

Yobu 5:23

Kuk’ uzosezerana isezerano n’ amabuye yo mu gasozi; Kand’ ibikōko vyo mu gasozi bizokwuzura nawe.

Abalewi 26:22

Kandi nzobatērēra ibikōko vyo mw ishamba, bitware abana banyu, biyigize amasho yanyu n’imikuku yanyu, bibatūvye, inzira zanyu zisibe.

Abalewi 26:7

Muzokinagiza abansi banyu, bahindikiranywe n’inkota imbere yanyu.

Abalewi 26:25

Kandi nzobatērēra inkota, ibahōre kuva mw isezerano ryanje; na ho ni mwirundaniriza mu bisagara vyanyu, nzobatērēra ikīza; kandi muzotangwa mu maboko y’abansi.

Abalewi 25:18

Ni co gituma mukwiye kwumvira amabgirizwa yanje, no kwitondera ivyagezwe vyanje, mukavyumvira; ni ho muzoba mu gihugu amahoro.

Abalewi 25:19

Kand’ ico gihugu kizokwimbuka, muzokwama mu gahimbo, mube muri co amahoro.

2 Ivyo ku Ngoma 20:30

Nukw igihugu ca Yehoshafati kigira impore, kukw Imana yiwe yar’ imuhaye umutēkāno impande zose.

Zaburi 144:14

Ngw inka zacu zidibirize; Ngo hoye kugira abamena, cank’ abasohoka kurwana; Kandi mu mihōra yacu hoye kuvuga induru.

Yesaya 35:8

Kandi hazobay’ inzira y’iroro, iyo nzira izokwitwa Inzira Yera. Abanduye imitima ntibazoyicamwo, arikw izoba iy’ abantu biwe. Abayicamwo, naho hobamw’ ibijuju, ntibazozimira.

EZEKIYELI 34:27

Maz’ igiti co mw ishamba kizokwama, isi yimbuke ivyimburo vyayo; na zo zizokwibera amahoro mu gihugu cazo; kandi zizomenya yuko jewe nd’Uhoraho, igihe nzoba mmaze kuvuna ibiti vy’ingōgo zambitswe, no kuzirokora mu maboko y’abāzihinduye abaja.

Hoseya 2:20

Ni koko nzokwikwerera mu kuba umwizigirwa: nawe uzommenya jewe Uhoraho.