Abalewi 26:46 - Bibliya Yera 1951 1967 (Burundi)

⁴⁶ Ayo ni yo mabgirizwa n’ ivyashinzwe n’ivyagezwe, ivyo Uhoraho yashize hagati yiwe n’ Abisirayeli, abigereye ku musozi Sinayi, abitumye Mose.

Abalewi 26:46 Referans Kwoze

Abalewi 27:34

Ivyo ni vyo vyagezwe Uhoraho yagereye Mose ku musozi Sinayi, ngw abishikirize Abisirayeli.

Gusubira mu Vyagezwe 12:1

Aya ni yo mabgirizwa n’ ivyashinzwe mukwiye kuzokwitondera, mukabishitsa, imisi yose muzoba muriho mw isi, muri mu gihugu Uhoraho Imana ya ba sogokuruza banyu yabahaye ngo mucegukire.

Gusubira mu Vyagezwe 6:1

Ibi ni vyo vyagezwe n’amatēka ashinzwe, Uhoraho Imana yanyu yangeze kubigisha, kugira ngo muze muvyitondere mushitse mu gihugu mugiye kujabukiramwo ngo mucegukire;

Gusubira mu Vyagezwe 13:4

Ariko muze mugendanire Uhoraho Imana yanyu, mumwubahe, mwitondere ivyagezwe vyiwe, mumwumvire, abe ari we musaba, mwifatanye na we akaramata.

Abalewi 25:1

Uhoraho abaririra Mose ku musozi Sinayi,

Yohana 1:17

Kukw ivyagezwe vyazanywe na Mose, ubuntu n’ukuri vyazanywe na Yesu Kristo.

Zaburi 77:20

Warōngōje abantu bawe nk’ ubusho Ukuboko kwa Mose na Aroni.

Guharūra 4:37

Abo ni bo bāharūwe bo mu miryango y’aba Kohati, bose abākora ivyo mw ihema ry’ibonaniro, abo Mose na Aroni bāharūye, nk’uk’ Uhoraho yabigeze atumye Mose.

Abalewi 8:36

Nuko Aroni n’abana biwe babikora vyose, uk’ Uhoraho yari yarabariye Mose.

Abalewi 7:38

ivyo Uhoraho yageze Mose ari ku musozi Sinayi, ku musi yageze Abisirayeli kumuzanira amashikanwa, aho nyene mu bugaragwa bg’i Sinayi.

Abalewi 27:1

Uhoraho abarira Mose,

Guharūra 36:13

Ivyo ni vyo vyagezwe n’amabgirizwa Mose yashikirije Abisirayeli atumwe n’Uhoraho, bari mu kiyaya c’i Mowabu kuri Yorodani, aharābana n’i Yeriko.

Gusubira mu Vyagezwe 4:5

Rāba ndabigishije amabgirizwa n’amatēka ashinzwe, nk’uk’ Uhoraho Imana yanje yangeze, kugira ngw abe ari ko muzogenza mu gihugu mugiye kwinjira ngo mucegukire.

Gusubira mu Vyagezwe 29:1

Aya ni yo majambo y’isezerano, Uhoraho yabariye Mose gusezeranira n’Abisirayeli mu gihugu c’i Mowabu, yongewe kw isezerano yasezeraniye na bo kuri Horebu.

Gusubira mu Vyagezwe 33:4

Mose yadushingiye ivyagezwe, Ni vyo shamvu y’ikoraniro ry’ aba Yakobo.