Abalewi 26:45 - Bibliya Yera 1951 1967 (Burundi)

⁴⁵ Ariko kubgabo nzokwibuka isezerano nasezeraniye ba sekuruza, abo nakūye mu gihugu ca Egiputa amahanga arorēra, kugira ngo mbe Imana yabo: ni jewe Uhoraho.

Abalewi 26:45 Referans Kwoze

Abalewi 25:38

Nd’ Uhoraho Imana yanyu, nabakūye mu gihugu ca Egiputa ngo mbahe igihugu c’i Kanani, mbe Imana yanyu.

EZEKIYELI 20:22

Yamara nagaruye ukuboko kwanje, ndwanira izina ryanje ngo ntirikēngēreke mu maso y’amahanga, ari yo nyene yabahanze amaso igihe nabakūrayo.

EZEKIYELI 20:9

Ariko narwaniye izina ryanje, ngo ntirikēngēreke mu maso y’amahanga barimwo, ari yo nyene ubgayo nabiyerekeye imbere, igihe nabakūra mu gihugu ca Egiputa.

Abalewi 22:33

nabakūye mu gihugu ca Egiputa, ngo mbe Imana yanyu: ni jewe Uhoraho.

Abaroma 11:12

Ariko, k’ukugwa kwabo ar’ ubutunzi bg’abari mw isi, n’ukugabanuka kwabo ar’ ubutunzi bg’abanyamahanga, ukugwira kwabo ntikuzorushiriza cane?

EZEKIYELI 20:14

Ariko narwaniye izina ryanje, ngo ntirikēngēreke mu maso y’ amahanga, ari yo nyene yar’ abahanze amaso igihe nabakūrayo.

Kuvayo 20:2

iti Nd’ Uhoraho Imana yawe, yagukūye mu gihugu ca Egiputa, mu nzu y’ubuja.

Kuvayo 6:8

Kandi nzobajana mu gihugu narahiye mmanitse ukuboko ko nemeye kuzogiha Aburahamu na Isaka na Yakobo; nzokibaha kibe ishamvu yanyu; nd’ Uhoraho.

Kuvayo 2:24

Imana yumva amaborogo yabo, yibuka isezerano ryayo yasezeraniye Aburahamu na Isaka na Yakobo.

Itanguriro 15:18

Kur’ uwo musi nyene Uhoraho asezeranira Aburamu isezerano, at’ Uhereye ku ruzi rwo muri Egiputa, ugashitsa ku ruzi runini ari rwo Efurate, uruvyaro rwawe ndaruhaye iki gihugu,

Itanguriro 12:2

Nanje nzoguhindura ubgoko bukomeye, nzoguha umugisha, izina ryawe ndarigire rurangiranwa; n’abandi baze bagire umugisha kubgawe.

Itanguriro 9:15

nanje nzokwibuka iryo sezerano ryanje nshize hagati yanje namwe bo n’ibiri n’ ubugingo vyose bifise umubiri: kand’ amazi ntazokwongera ukundi kuba umwuzure wo guhonnya ibifise umubiri vyose.

Kuvayo 6:6

Nuko barira Abisirayeli yuko nd’ Uhoraho, kandi nzobakūra ku bikebere Abanyegiputa babakebera, mbakūre mu buja barimwo, mbacunguze ukuboko kuramvuye, n’ibihano bikomeye:

Abalewi 11:45

Kukw ari jewe Uhoraho nabadūganye mbakūye mu gihugu ca Egiputa, ngo mbe Imana yanyu: nuko rero mube abera, kuko nanje nd’ uwera.

Gusubira mu Vyagezwe 4:31

kuk’ Uhoraho Imana yanyu ar’ Imana y’inyembabazi, ntizobaheba, ntizobarandura, canke ngo yibagire isezerano yasezeranye na ba sogokuruza, ikabarahira.

Itanguriro 26:24

Uhoraho amwiyereka iryo joro, aramubgira, ati Nd’ Imana ya so Aburahamu: ntutinye, kuko ndi kumwe nawe, kandi nzoguha umugisha, ngwize uruvyaro rwawe, kubg’ umusavyi wanje Aburahamu.

Itanguriro 28:15

Kand’ ehe rāba ndi kumwe nawe, nzokuzigamira ah’uzoja hose, kandi nzokugarukana mur’ iki gihugu; kuko ntazokureka ntarakora ivyo nkubariye.

Gusubira mu Vyagezwe 9:27

Ni wibuke abasavyi bawe, Aburahamu na Isaka na Yakobo; nturābe ukutagondwa kw’aba bantu, cank’ ukugabitanya kwabo, cank’ icaha cabo;

Zaburi 106:45

Akabibukira isezerano yabasezeraniye, Akagarukana umutima, nk’ ukw isinzi ry’imbabazi ziwe riri.