Abalewi 26:37 - Bibliya Yera 1951 1967 (Burundi)

³⁷ Bazogwanako nk’abahunga inkota, ata kibirukanye; mbere ntimuzoshobora guhagarara abansi banyu imbere.

Abalewi 26:37 Referans Kwoze

Abacamanza 2:14

Uburake bg’ Uhoraho buca buziriringira Abisirayeli, abagabura mu maboko y’ abanyazi, barabanyaga, abatanga mu maboko y’abansi babo babakikije, bituma batagishobora guhagarara imbere y’abansi babo.

Yeremiya 37:10

Kuko naho mwotikiza ingabo zose z’Abakaludaya babarwanya, hagasigaramw’ abakomeretse basa, na ho nyene bova hasi, umuntu wese aho yar’ ari mw ihema ryiwe, bagatongoza iki gisagara umuriro.

Yesaya 10:4

Nta gisigaye atar’ ugucishwa bugufi mu mbohe, canke guhindikiranywa mu bishwe. Yamara na ho nyene uburake bg’Uhoraho ntiburahwama, arik’ ukuboko kwiwe kuracabānguye.

Abacamanza 7:22

Nuko bakomeza kuvuza za nzamba ukw ar’ amajana atatu, maz’ Uhoraho atuma Abamidiyani basubiranamwo, bazibagurana inkota mu ngabo zose; maz’ ingabo zisigaye zirahunga, zirinda zishika i Betishita ku nzira ija i Zerera, zishika no ku rubibe rw’i Abeli‐mehola ahahereranye n’i Tabati.

Guharūra 14:42

Sigaho kudūga, kuk’ Uhoraho atari muri mwebge, ntimuhave mutsindwa n’abansi banyu.

Abalewi 26:17

Kandi nzohoza igitsūre canje kuri mwebge, muzoneshwa n’abansi banyu: ababanka ni bo bazobaganza; kandi muzohunga ata kibirukanye.

Yeremiya 6:21

None rero ni mwumve ivyo mvuze jewe Uhoraho: Ehe ngira nshire ibitsitaza imbere y’ubu bgoko: abavyeyi n’abana babo bazobitsitarirakw icarimwe; ababanyi na bagenzi babo bazoranduka.

Yeremiya 46:16

Yatumye benshi batsitara, mbere bātsitaranyeko: bati Ngo tuvyuke twisubirire mu b’i wacu, no mu gihugu twavukiyemwo, duhunge inkota iririka.

Nahumu 3:3

uwisuka mu rugamba ari kw ifarasi, inkota ziravya indimi, amacumu aca ibibatsi, abishwe n’indiri, har’ ibirundo vy’imirambararo, imivyimba ntiyoharūrika, ingabo zitsitara ku mivyimba yabo!

1 Samweli 4:2

Abafilisitiya batonda urugamba ngo barwanye Abisirayeli: bamaze kurumana, Abisirayeli baneshwa n’ Abafilisitiya, Abafilisitiya babicamw’ abantu nk’ibihumbi bine mur’ urwo rugamba.