Abalewi 23:27 - Bibliya Yera 1951 1967 (Burundi)

²⁷ at’ Umusi ugira icumi w’ukwo kwezi nye ne kw’indwi ni wo musi w’impongano: uz’ ubabere uwo gukorana kwera, muze mwame mwibabaza, kandi muze muwunshikanirekw ikimazi gitōngōrwa n’umuriro.

Abalewi 23:27 Referans Kwoze

Kuvayo 30:10

Aroni az’ ahongere ico gicaniro rimwe gusa mu mwaka; amaraso y’ikimazi c’impongano gitangirwa ivyaha az’ ayakoze ku mahembe yaco, abe ari yo akibera impongano rimwe gusa mu mwaka, ukw ibihe vy’urunganwe rwanyu bizogenda bikurikirana: ico gicaniro kizoba icera cane, cerejwe jewe Uhoraho.

Abalewi 16:24

Aheze yiyuhagirire ahantu hēra, yambare imyambaro yahorana, asohoke, yitangire ikimazi ciwe ubgiwe co kwoswa, atangire n’abantu icabo, yihongere ubgiwe, ahongere n’abantu.

Abalewi 16:15

Aheze akerere ya mpene y’ikimazi co gutangirwa ivyaha vy’abantu, yinjirane amaraso yayo hirya ya ca gihuzu, ayagenze nk’uko yagenjeje amaraso ya ya masa, ayacucagire kuri wa mutemere wo guhongerako, bo n’imbere yawo.

Zekariya 12:10

Kandi nzosuka ku nzu ya Dawidi no ku baba i Yerusalemu impwemu y’ubuntu n’iyo gusenga; kandi bazokwitegereza uwo bācumise; bazomuborogera nk’ ūborogera umwana wiwe w’ikinege, bamurware akabonge nk’ūkarwazwa n’imfura yiwe.

Yesaya 58:5

Non’ ukwisonzesha nshima, mugira ngo kumeze gurtyo? Mugira ngo n’umusi wo kwibabarizamwo, no kujondamika umutwe nk’urufunzo, no kwisasira amagunira n’umunyota? Mbeg’ ivyo ni vyo mwita kwisonzesha, n’ umusi jewe Uhoraho nnezererwa?

Ezira 8:21

Maze ntāngāriza aho nyene kur’ urwo ruzi Ahava ivyo kwisonzesha, kugira ngo twicishe bugufi imbere y’Imana yacu, ngo tuyisabe iduhe kugira urugendo rwiza, twebge n’abana bacu n’ ibintu vyacu vyose.

Abalewi 25:9

Maze ku musi ugira icumi w’ukwezi kw’indwi muze muvugishe inzamba y’ijwi rirenga; ku musi w’impongano az’ abe ari ho muvugisha inzamba mu gihugu canyu cose.

Abalewi 16:11

Aroni aheze yīgize hafi ya masa y’ikimazi co gutangirwa ivyaha yo kwitangirira, yo kwitangirakw impongano bo n’urugo rwiwe, akerere iyo masa y’ikimazi c’ivyaha yitangiriye.

Yakobo 4:9

Mubabare, muboroge, murire; ibitwengo vyanyu bihinduke amaborogo, umunezero uhinduke umubabaro.

Zaburi 35:13

Ariko jeho, uko bārwara, imyambaro yanje yaba amagunira, Nababarisha ubugingo bganje kwisonzesha, Ngasenga ncuritse umutwe mu gikiriza.

Ivyakozwe 27:9

Hashize igihe kirekire, kandi kujabuka kubaye irinde, kukw igihe co kwisonzesha cari gishize, Paulo arabahanūra,

Abalewi 23:26

Uhoraho abarira Mose,

Abalewi 23:28

Ntimuze mugire igikorwa na kimwe mukora kur’ uwo musi, kukw ar’ umusi w’ impongano, aho muzotangirwa impongano imbere yanje, jewe Uhoraho Imana yanyu.

Abalewi 16:16

Uko ni kw azoba atangiriye Ahēra impongano, kubg’ ubuhumane bg’Abisirayeli, no kubg’ ibicumuro vyabo, n’ivyaha vyabo vyose; kand’ abe ari kw agirira n’ihema ry’ibonaniro, riri hagati yabo, mu buhumane bgabo.