Abalewi 23:21 - Bibliya Yera 1951 1967 (Burundi)

²¹ Kur’ uwo musi nyene muze mutāngāze kw ar’ umusi mukuru: muze muwugire uwo gukorana kwera; ntihaze hagire igikorwa kiruhisha muwukorako: iryo rize ribabere ibgirizwa ry’ intahava mu ngo zanyu zose no ku runganwe rwanyu, uko ruzogenda rukurikirana.

Abalewi 23:21 Referans Kwoze

Abalewi 23:2

ati Barira Abisirayeli, ut’ Iyi ni yo misi mikuru yiwe ishinzwe mukwiye kuzotāngāza kw ar’ iyo gukorana kwera; imisi mikuru yiwe ishinzwe n’iyi:

Guharūra 18:23

Arikw Abalewi az’ abe ari bo bakora ibikorwa vyo mw ihema ry’ibonaniro, kandi ni bo bazobazwa ivyo bagabitanije muri vyo. Ivyo bize bibabere icagezwe c’intahava, uk’ urunganwe rwanyu ruzogenda rukurikirana, yukw Abalewi batazohabga ishamvu mu Bisirayeli.

Abalewi 23:14

Kandi ntimuze mugire umutsima w’iyo fu murya, cank’ impeke muhekenya, ar’ izikaranze canke mbisi, uwo musi utarashika, ngo muzane iryo shikanwa ryanje Imana yanyu: iryo rize ribabere ibgirizwa ry’intahava mu ngo zanyu zose, no ku runganwe rwanyu, uko ruzogenda rukurikirana.

Abalewi 23:4

Iyi ni yo misi mikuru yanje Uhoraho ishinzwe yo gukorana kwera, mukwiye kuzotāngāza igihe cayo kigeze:

Itanguriro 17:7

Kandi nshinze isezerano ryanje ngusezeraniye, wewe n’uruvyaro rwawe ruzovuka hanyuma, ukw ibihe vy’urunganwe rwabo bizogenda bikurikirana, ribe isezerano ridashira, kugira ngo nkubere Imana, wewe n’uruvyaro rwawe ruzovuka hanyuma.

Yesaya 11:10

Maze kur’ uwo musi igishitsi ca Isayi kizoba gihagaritswe no kubera amoko ibendera, ico gishitsi ni co amahanga azobariritsa: kand’ uburuhukiro bgiwe buzogira icubahiro.

Gusubira mu Vyagezwe 16:11

muheze munezererwe imbere yiwe, Uhoraho Imana yanyu, ha hantu nyene azoba yātoranije ngw ahashire izina ryiwe ngo rihabe, munezeranwe n’ abahungu banyu n’abakobga banyu, n’abagurano banyu n’abaguranokazi banyu, n’Abalewi baba i wanyu, n’inyambukīra n’ impfuvyi n’abapfakazi baba muri mwebge.

Abalewi 23:7

Ku musi w’intangamarāra wayo muze mukoranywe no kuba ikoraniro ryera: ntihaze hagire igikorwa kiruhisha muwukorako.

Abalewi 3:17

Bize bibabere icagezwe c’intahava ukw ibihe vy’urunganwe rwanyu bizogenda bikurikirana, yuko mu ngo zanyu zose mutazokwigera mugeza mu kanwa ibinure cank’ ubuseri.

Abalewi 23:20

Umuherezi abizunguzanye na ya mitsima yo ku vyimburwa vy’umushuzo, bo na ba bana b’intama bompi, bibe ishikanwa rizungurijwe imbere yanje: bibe ivyera kuri jewe, bihabge umuherezi.

Abalewi 23:25

Ntihaze hagire igikorwa kiruhisha muwukorako, kandi muze muwunshikanirekw ikimazi gitōngōrwa n’umuriro.

Kuvayo 27:21

Mw ihema ry’ibonaniro, hino ya ca gihuzu gikingiye vya Bishinga intahe, abe ari ho Aroni n’abana biwe bazokwama baritunganiriza, kugira ngo rize ryame ryaka imbere yanje, jewe Uhoraho, rihēre ku mugoroba rishitse mu gitondo. Iryo rize ribe ibgirizwa ry’intahava ryo kwitonderwa n’Abisirayeli ukw ibihe vy’urunganwe rwabo bizogenda bikurikirana.

Abalewi 23:31

Ntimuze mugire igikorwa na kimwe mukora: iryo rize ribabere ibgirizwa ry’intahava mu ngo zanyu zose, no ku runganwe rwanyu, uko ruzogenda rukurikirana.