Abalewi 23:13 - Bibliya Yera 1951 1967 (Burundi)

¹³ Kand’ ishikanwa ry’ ivyakozwe mw ifu ritanganwa na co rize ribe ibigiracumi bibiri vy’ingero y’ifu igogōretse, ivanze n’amavuta ya elayo; ribe ishikanwa nshikaniwe jewe Uhoraho ritōngōrwa n’umuriro, umubabge umota neza. Kand’ ishikanwa ry’ibiturire ritanganwa na co nyene rize ribe ikigirakane c’ingero yitwa hini ya vino.

Abalewi 23:13 Referans Kwoze

Yoweli 2:14

Nta wubizi: kumbure yohindukira, ikīgarura, ikabasigarana umuhezagiro, ni wo mafu y’amashikanwa n’ibiturire vyo gushikanira Uhoraho Imana yanyu.

Yoweli 1:13

Yemwe baherezi, mukenyere amagunira, murire; namwe abasukūra ku gicaniro, ni muboroge; enda ni muze mukēshe ijoro mwubaraye, mwambaye amagunira, yemwe basuku b’Imana yanje: kukw ishikanwa ry’ifu n’ibiturire vyimanywe ngo ntibize mu ngoro y’Imana yanyu.

Yoweli 1:9

Amafu y’amashikanwa n’ibiturire vyabuze mu ngoro y’Uhoraho; abaherezi, ari bo basuku b’Uhoraho, basigaye baganya.

EZEKIYELI 46:14

Kand’ uze wame uwugerekakw ishikanwa ry’ifu mu gatondo uko bukeye nyene, ribe ikigira gatandatu ca efa y’ifu igogōretse, n’ikigira gatatu ca hini y’ amavuta, yo kuvanga n’iyo fu; ribe ishikanwa ry’ifu k’Uhoraho ry’intahava, icagezwe c’ibihe vyose.

EZEKIYELI 45:24

Kand’ az’ ashikane ishikanwa ry’amafu, ku masa yose hajekw ingero imwe yitwa efa, no ku mpfizi y’intama hajeko efa imwe nyene; no kuri efa yose y’ifu hajekw ingero yitwa hini y’ amavuta.

EZEKIYELI 4:11

Kandi n’ amazi uzokwama uyanywa ku rugero, ari rwo gihimba ca gatandatu c’ingero yitwa hini: na yo uzokwama uyanywa rimwe ku musi.

Guharūra 28:10

Ivyo ni co kimazi co kwoswa kw isabato yose ukw itashe, congerwe ku kimazi co kwoswa c’intasība, no kw ishikanwa ry’ibiturire rigendanye na co.

Abalewi 14:10

Ku musi ugira umunani aze yābīre abana b’ intama babiri b’amasuguru, batagira agasembga, n’inyana y’intama itarengeje umwaka itagira agasembga, bo n’ibice bitatu vy’icumi vy’ingero y’ifu igogōretse vyo kuba ishikanwa ry’ifu ivanze n’ amavuta ya elayo, n’ingero imwe yitwa logi y’amavuta ya elayo.

Abalewi 6:20

at’ Iri ni ryo shikanwa rya Aroni n’abana biwe, bakwiye kuzokwama banshikanira, uhereye ku musi Aroni azorobanuzwa amavuta: ikigiracumi c’ingero yitwa efa y’ifu igogōretse, ngo kize kibe ishikanwa ry’ifu ry’ubudasība; igice cayo kize gishikanwe mu gitondo, ikindi ku mugoroba.

Kuvayo 30:24

na kesiya ya shekeli amajana atanu, zigezwe kuri shekeli ir’ Ahēra, bo n’ingero imwe yitwa hini y’ amavuta ya elayo.

Kuvayo 30:9

Ntimuze mucoserezekw imibavu itemewe, canke ngo mucoserezekw ikimazi, canke ngo mugishirekw ishikanwa ry’ifu, canke ngo mukivyagizekw ishikanwa ry’ibiturire.

Abalewi 23:12

Ku musi muwujungujeko muze munshikanire n’isuguru y’intama itaramara umwaka kw ikimazi co kwoswa.