Abalewi 22:13 - Bibliya Yera 1951 1967 (Burundi)

¹³ Arik’ umukobga w’umuherezi apfakaye canke yirukanywe, atagira umwana, akaba igisubiramuhira mu rugo kwa se, akamera nk’uko yahoze mu bgana bgiwe, we azorya ku vyo kurya vya se: arik’ ūtar’ uwo mu baherezi ntaz’ abiryeko.

Abalewi 22:13 Referans Kwoze

Abalewi 10:14

Na ya nkoro yashikanishijwe kuzunguzwa, na ca gikenye c’ukuguru cagerewe abaherezi, mubirīre ahantu hadahumanye, mwe n’abahungu bawe n’abakobga bawe; kukw ari vyo wagerewe ngo bibe umuturi wawe, n’uw’ abahungu bawe, wo ku bimazi vy’ishimwe Abisirayeli bashikanye.

Itanguriro 38:11

Maze Yuda abarira Tamari umukazana wiwe, ati Genda ube uragumye kwa so ur’ umupfakazi, ushitse ah’ umwana wanje Shela azokurira: kuko yivuganya, at’ Uyo na we ntahave apfa nka bene nyina. Tamari aragenda aguma kwa se.

Kuvayo 29:33

Babirye, ar’ ivyatanzwe kubabera impongano, ngo binjizwe mur’ iryo bango, bezwe; arik’ ūtar’ umuherezi ntaz’ abiryeko, kukw ar’ ivyera.

Abalewi 22:10

Ntihaze hagire ūtar’ uwo mu baherezi arya ku kintu cejejwe; umushitsi arāriye umuherezi, cank’ umucangero, ntaz’ arye ku kintu cejejwe.

Abalewi 22:12

Umukobga w’ umuherezi ni yābīrwa n’ūtar’ uwo mu baherezi ntaz’ arye ku vyejejwe vyashikanywe.

Kuvayo 12:43

Uhoraho abarira Mose na Aroni, at’ Iri ni ryo bgirizwa ryo kuri Pasika: ntihaze hagire umunyamahanga arya ku vyayo;

Gusubira mu Vyagezwe 24:2

Ni yamara kuva mur’ urwo rugo, ashobora kwābīrwa n’uwundi.

1 Samweli 21:7

Kur’ uwo musi nyene hār’ umuntu umwe wo mu basavyi ba Sauli yari yashībijwe ngw agume imbere y’Uhoraho, yitwa Dowegi w’Umunyedomu, yar’ umubgiriza w’abungere ba Sauli.

Ezira 2:63

Umucamateka arababuza ngo ntibarye ku vyera cane, kugeza igihe hazobonekera umuherezi afise Urimu na Tumimu.

EZEKIYELI 44:8

Kandi ntimwarinze ivyera vyanje mwajejwe, arikw ahēra hanje mwahajeje abandi mu gishingo canyu.