Abalewi 21:5 - Bibliya Yera 1951 1967 (Burundi)

⁵ Abaherezi ntibaze bimoshe inkomvorera, canke ngo bacācūre imitwe y’ubganwa bgabo, canke ngo bikebagure ku mibiri.

Abalewi 21:5 Referans Kwoze

Gusubira mu Vyagezwe 14:1

Mwebge mur’ abana b’ Uhoraho Imana yanyu: ntimukikebagure ku mibiri yanyu, canke ngo mwiharanguze ibimwerere mu bitwariro kubg’ ūpfuye.

EZEKIYELI 44:20

Kandi ntibakimoshe inkomvorera, canke ngo batereke umushatsi muremure, baze bīkatishe gusa.

Mika 1:16

Imoshe inkomvorera, wiharanguze, kubg’ abana bawe wakunda; ongeranya ubuhanza bgawe, bube nk’ubg’ ikinyakabaka; kuko wabasahuwe, bakajanwa ar’ inyagano.

Amosi 8:10

Imisi mikuru yanyu nzoyihindura umuborogo, n’indirimbo zanyu zose zicike agacurantimba; kandi bose nzobakenyeza amagunira, imitwe yose imobge inkomvorera; kandi nzobatera umuborogo nk’uwo baborogera umwana w’umuhungu w’ ikinege, amaherezo yavyo abe umusi w’akabonge.

Yeremiya 48:37

Kukw imitwe yabo yose imowe inkomvorera, n’ ubganwa bgose bumowe; ku maboko yose har’ ibikebagure, no mu rukenyerero hose hakenyeye amagunira.

Yeremiya 16:6

Abakuru n’abato bazopfira mur’ iki gihugu: ntibazohambga, kand’ abantu ntibazobaborogera, canke ngo bikebagure, canke ngo babīmwēre ibimwerere:

Yesaya 22:12

Kur’ uwo musi Umwami Uhoraho Nyen’ ingabo yahamagariye abantu kwiririra no kwiborogera no kwimosha inkomvorera no gukenyera amagunira:

Yesaya 15:2

Umukobga w’i Diboni aradūze, aja mu bitabo kuririrayo; Abanyamowabu bariko baraborogera i Nebo n’i Medeba: imitwe yabo yose imowe inkomvorera, bo n’ubganwa bgose.

Abalewi 10:6

Mose abarira Aroni n’abana biwe Eleyazari na Itamari, ati Ntimuhamburure imishatsi yanyu, canke ngo mutantamure impuzu zanyu, kugira ngo ntimupfe, kand’ Uhoraho ntarakire ikoraniro ryose; ariko bene wanyu, ab’ inzu yose ya Isirayeli, abe ari bo baborogeshwa n’ umuriro Uhoraho arekuye.

Abalewi 21:4

Kw ar’ umukuru mw ihanga ryabo, ntaze yiyanduze ngo yiyonone.

EZEKIYELI 5:1

Nuko mwana w’umuntu, wiyabīrire inkota y’ubuhwe, uyābīre bga rupfuhe, uyicīshe ku mutwe wawe no ku bganwa bgawe: uheze wiyabīrire umunzane wo kugeresha, ugabanye iyo mishatsi wimoye.