Abalewi 21:22 - Bibliya Yera 1951 1967 (Burundi)

²² Ashobora kurya ku mfungurwa zanje, Imana yiwe, ari ku zera cane, canke ku zera zindi.

Abalewi 21:22 Referans Kwoze

Abalewi 2:3

Ibisigaye kur’ iryo shikanwa ry’ifu bize bibe ivya Aroni n’abana biwe: kizoba ar’ ikintu cera cane mu mashikanwa atōngōrwa n’umuriro nshikanirwa, jewe Uhoraho.

1 Korinto 9:13

Ntimuzi yukw abakora ibikorwa vy’ivyera barya ivy’ urusengero, kand’ abakora ivy’ igicaniro basangira n’igicaniro?

Guharūra 18:19

Amashikanwa yose ngerewe yo mu vyera, ayo Abisirayeli bazonshikanira jewe Uhoraho, ndayaguhaye, mwe n’abahungu bawe n’ abakobga bawe, abe umuturi wanyu w’intahava. Iryo n’isezerano ritazohinduka imbere yanje kugeza ibihe bidashira, usezeraniwe, mwe n’uruvyaro rwawe.

Abalewi 7:1

Iki ni co cagezwe co ku kimazi c’impongano: kizoba ar’ icera cane.

Abalewi 2:10

Ibisigaye kur’ iryo shikanwa ry’ivyakozwe mw ifu bize bibe ivya Aroni n’abana biwe: kizoba ar’ umugabane wera cane mu mashikanwa atōngōrwa n’umuriro nshikanirwa jewe Uhoraho.

Abalewi 6:29

Izinamuhungu wese wo mu baherezi yemererwa kukiryako: kizoba ar’ icera cane.

Abalewi 21:23

Mugabo ntaze yēgēre ca gihuzu gikingīra Ahēra cane, canke ngo yēgēre igicaniro, kukw azoba afise agasembga, kugira ngo yoye guhumanya ahēra hanje ah’ ari ho hose: kukw ari jewe Uhoraho ndabeza.

Abalewi 22:25

N’iyo coba kizanywe n’umunyamahanga, ntimuze mwemere ikimeze girtyo na kimwe, ngo mukinshikanire kw imfungurwa, jewe Imana yanyu; ntikizokwemerwa ko mushikanye, kuko gitosekaye, kikabakw agasembga.

Abalewi 6:10

Maz’ umuherezi yambare wa mwambaro wiwe wera derere, na rya butura ryiwe ryera derere aryambike ubgambure bgiwe; aheze ayore umunyota w’ ikimazi coshejwe, ic’ umuriro watōngōreye ku gicaniro, awufashe i ruhande y’igicaniro.

Abalewi 7:6

Izinamuhungu wese wo mu baherezi yemererwa kukiryako: kize kirīrwe ahantu hēra: n’icera cane.

Abalewi 10:12

Mose abarira Aroni n’abana biwe basigaye, Eleyazari na Itamari, ati Ni mujane ivyasigaye kuri rya shikanwa ry’ifu ryo mu mashikanwa yashikaniwe Uhoraho agatōngōrwa n’umuriro, mubirīre i ruhande y’igicaniro bitarimw’ umwambiro: kukw ar’ ivyera cane.

Abalewi 10:17

ati Mwabujijwe n’iki kurya ca kimazi catangiwe ivyaha, ngo muteko mukirīre ahantu hēra, kand’ ar’ icera cane, ar’ ico Uhoraho yabahaye ngo gitume mwishirakw ibigabitanyo vy’ikoraniro, ngo murihongerere imbere yiwe?

Abalewi 14:13

akererere iyo suguru y’intama aho bakererera ikimazi co gutangirwa ivyaha bo n’ikimazi co kwoswa, ahantu hēra: nk’ukw ikimazi co gutangirwa ivyaha ar’ umuturi w’umuherezi, ni ko n’ ikimazi c’impongano kiri: n’icera cane.

Abalewi 22:7

Izuba ni ryamara kurenga azoba ahumanutse; ni h’azobona kurya ku vyejejwe, kukw ivyo ari vyo vyar’ indya ziwe.

Abalewi 27:28

Mugabo, ishikanwa ry’ikintu gitanzwe kuba inyegu yanje, ico umuntu azonshikanira akinyeguriye, mu vyo afise ivy’ ari vyo vyose, yaba umuntu, yaba igitunzwe, cank’ indimiro yo mw ishamvu yiwe, ntihaze hagire ben’ ico kigurwa canke ngo gicungurwe: ben’ iryo shikanwa ry’ikintu catanzwe kw inyegu n’icera cane kuri jewe Uhoraho.