Abalewi 20:22 - Bibliya Yera 1951 1967 (Burundi)

²² Nuko rero muze mwitondere amabgirizwa yanje yose n’ivyagezwe vyanje vyose, muvyumvire: kugira ngw igihugu mbajanyemwo ngo muhabe, ntikize kihave kibadahwa.

Abalewi 20:22 Referans Kwoze

EZEKIYELI 36:27

Kandi nzobashiramwo Mpwemu wanje, ndabagendeshereze mu vyagezwe vyanje, namwe muzokwitondera amabgirizwa yanje, muyashitse.

Zaburi 119:160

Ijambo ryawe ryose ripoperanirijwe mu kuri; Imanza zawe zigororotse iyo ziva zikagera zamah’ ibihe bidashira.

Zaburi 119:145

Ntakambishije umutima wose; unyishure Uhoraho we: Nzokwitondera ivyo washinze.

Zaburi 119:80

Umutima wanje utungane mu vyo washinze, Noye kuzomāramāra.

Zaburi 119:20

Umutima wanje umenaguwe n’igihahamizi Ugirira imanza zawe ziroranye ibihe vyose.

Zaburi 105:45

Aho vyaba birtyo kwar’ ukugira ngo bitondere ivyagezwe vyiwe, Bagendere mu vyo yashinze. Haleluya!

Zaburi 119:175

Ubugingo bganje ni bubeho, kugira ngo bugushime: Imanza zawe zintabare.

Zaburi 119:171

Iminwa yanje ivuge ishimwe, Kuk’ unyigisha ivyo washinze.

Gusubira mu Vyagezwe 5:1

Mose ahamagara Abisirayeli bose, arababarira, ati Yemwe Bisirayeli, ni mwumve amabgirizwa n’ivyagezwe mvugira mu matwi yanyu uyu musi, kugira ngo muvyige, muvyitondere, mubishitse.

Gusubira mu Vyagezwe 4:45

ari vyo vyashinzwe bo n’amabgirizwa n’amatēka Mose yabashikirije igihe bari bavuye muri Egiputa,

Abalewi 26:33

Namwe nzobashwiragiriza mu mahanga, nsokōre inkota, mbirukane; igihugu canyu kizosigara gitamāriwe, n’ibisagara vyanyu bicike imisaka.

Abalewi 19:37

Nuko muze mwitondere amabgirizwa yanje yose, n’ivyagezwe vyanje vyose, mubishitse: ni jewe Uhoraho.

Kuvayo 21:1

Ibi ni vyo vyagezwe uzobashikiriza.

Zaburi 119:164

Uko bukeye ngushima ibihetangabo ndwi, Ngushimira imanza zawe zigororotse.

Zaburi 119:106

Nararahiye ndarengwa Yuko nzokwitondera imanza zawe zigororotse.