Abalewi 2:12 - Bibliya Yera 1951 1967 (Burundi)

¹² Ivyo mushobora kubinshikanira nk’ishikanwa ry’umushuzo, ariko ntibize bishirwe ku gicaniro kuba nk’umubabge umota neza.

Abalewi 2:12 Referans Kwoze

Kuvayo 23:19

Ivy’ intangamarāra vyo mu vy’imishuzo yo mu mirima yanyu muze mwame mubizana mu ngoro yanje, jewe Uhoraho Imana yanyu. Ntimuze mutekeshe umwagazi w’impene amata ya nyina.

Ivyahishuwe 14:4

Abo ni bo batandujwe n’icitwa umugore, kuko bābaye nk’inkumi. Abo ni bo bakurikira wa Mwagazi ah’ aja hose. Abo bācunguwe mu bantu, kugira ngo babe umushuzo ku Mana no kuri wa Mwagazi.

2 Ivyo ku Ngoma 31:5

Nukw ico cagezwe kimaze gutāngāzwa, Abisirayeli bazana vyinshi cane vy’ umushuzo w’ingano na vino n’ amavuta ya elayo n’ubūki n’ ivyeze vyose vyo mu mirima; kandi n’ikigiracumi ca vyose babizana ari vyinshi cane.

Gusubira mu Vyagezwe 26:10

Ati None nzanye ku vy’umushuzo vyo mu mirima wampaye, ewe Uhoraho. Ukw az’ abe ari kw abitereka imbere y’Uhoraho Imana yiwe, amusenge.

Guharūra 15:20

Ifu yanyu y’ umushuzo isewe iheretuwe muze muyicumbemw’ umutsima wo kuba ishikanwa mumugereye: nk’ uko muhēreza ishikanwa ry’ivyo ku mbuga, az’ abe ari ko murihēreza.

Abalewi 23:10

ati Barira Abisirayeli, uti Ni mwashika mu gihugu nzobaha, mukimbura ivyimburo vyaho, muze mwame mushīra umuherezi umukama wo ku vyimburwa vyanyu vy’umushuzo:

Abalewi 7:13

Iryo shikanwa ryiwe, n’ico kimazi ciwe c’ishimwe yatanze kubgo gukenguruka, az’ abitangane n’utundi dutsima twambiwe.

Kuvayo 22:29

Ntimuze mutebagane kunshikanira ku vyo mwakikinyuye, ari ku vyo mwejeje, ari ku binyobga vyanyu. Imfura zanyu z’ abahungu muze muzimpe.

Itanguriro 23:17

Nukw iryo tongo rya Efuroni ryar’ i Makipela, aharābana n’i Mamure, bo n’isenga yarimwo, n’ ibiti vyose vyari mur’ iryo tongo birizengutse impande zose, vyegukira Aburahamu

1 Korinto 15:20

Ariko noneho Kristo yarazutse mu bapfuye, ni we yashurije abāsinziriye.

Kuvayo 34:22

Kand’ umusi ukurikira amasabato ndwi muze muwugire mukuru, ari wo w’intangamarāra wo kugenya ingano, bo n’ umusi w’iyimbura rya vyose wo ku mpera y’umwaka.

Abalewi 23:17

Mu ngo zanyu muze mukūremw’ imitsima ibiri yo kuba ishikanwa ryo kuzunguzwa; ibe ivy’ ibigiracumi bibiri vy’ingero yitwa efa y’ifu; iyo fu ibe igogōretse, icumbanywe n’ umwambiro, ngw ibe ishikanwa ryo ku vyimburwa vy’umushuzo mpabga jewe Uhoraho.

Guharūra 18:12

Ku vy’ umushuzo vyose bazonzanira, jewe Uhoraho, ibirusha ibindi kuba vyiza, ari ku mavuta ya elayo, ari ku nzabibu, ari ku mpeke, ni wewe mbihaye.