Abalewi 19:35 - Bibliya Yera 1951 1967 (Burundi)

³⁵ Ntimuze mugoreke imanza, mu gusuzuma ivyo kugeresha metero, cank’ ikilo, cank’ ingero.

Abalewi 19:35 Referans Kwoze

Gusubira mu Vyagezwe 25:15

Arikw amabuye ashitse, y’ukuri, az’ abe ari yo mugeresha; n’ingero zitwa efa zishitse, z’ ukuri, az’ abe ari zo mugeresha; kugira ngo muze murambire mu gihugu Uhoraho Imana yanyu abahaye.

Gusubira mu Vyagezwe 25:13

Muri mwebge ntihaze hagire ūgira mw isaho yiwe amabuye ageresha ikilo kimwe, kand’ aciye ukubiri, rimwe ari rinini, irindi ari ritoya.

Matayo 7:2

Kuko, uko muhinyura abandi, ari ko muzohinyurwa namwe; kand’ ingero mugeramwo muzoyigererwa namwe.

Mika 6:1

Enda ni mwumve ico Uhoraho avuga, ati Va hasi, ubūranire imbere y’imisozi, uturambi ni twumve ijwi ryawe.

Imigani 20:10

Ibilo bitangana n’ibigeresho bitangana Vyompi n’igisesema k’Uhoraho.

Imigani 16:11

Ibigeresho n’iminzane bishitse n’ivy’ Uhoraho, Amabuye yose agera yo mw isaho n’igikorwa ciwe.

Imigani 11:1

Umunzane ubesha n’igisesema k’Uhoraho, Arikw ikilo c’ukuri kiramuhimbara.

Abalewi 19:15

Ntimuze mucishe urubanza aho rutari; ntimuze muce urwa nkunzi mubitewe no kugirira impuhwe umworo, canke no gutinya ūhambaye; ariko muze mucire bagenzi banyu imanza ziroranye.

1 Ivyo ku Ngoma 23:29

no gukora ivy’ imitsima y’ibiterekērwa, n’ivy’ amafu agogōretse yo gushikana kw ishikanwa ry’amafu, ar’ ishikanwa ry’udutsima tutambiwe, ar’ iry’ udukaranzwe, ar’ iry’ ifu ivangishijwe amavuta ya elayo, no kugeresha ingero, no kugeresha metero;

EZEKIYELI 45:10

Mugire umunzane w’ukuri, n’ingero yitwa efa y’ukuri, n’ingero yitwa batu y’ ukuri.