Abalewi 19:33 - Bibliya Yera 1951 1967 (Burundi)

³³ Umunyamahanga ni yaza mu gihugu canyu, akabana namwe, ntimuze mumugirire nabi.

Abalewi 19:33 Referans Kwoze

Kuvayo 23:9

Ntimuze muhahaze umunyamahanga, kuko muzi umutima w’ umunyamahanga, kuko namwe mwar’ abanyamahanga mu gihugu ca Egiputa.

Kuvayo 22:21

Umunyamahanga ntimuze mumugirire nabi, canke ngo mumuhahaze, kuko namwe mwar’ abanyamahanga mu gihugu ca Egiputa.

Malaki 3:5

Kandi nzobēgēra nce amateka; nzokwihutira kwagiriza abarozi, n’abasambanyi, n’abarahira ibinyoma, n’ abagunga umucangero ingero yiwe, n’abanyikiza umupfakazi n’impfuvyi, bakagirira nabi inyambukīra, nanje ntibanyubahe, ni k’Uhoraho Nyen’ ingabo agize.

Yeremiya 7:6

ni mudahahaza ingenzi cank’ impfuvyi cank’ umupfakazi, ntimuvishirize amaraso y’ūtācumuye aha hantu, ntimugendanire izindi mana, bikababera icago:

Gusubira mu Vyagezwe 24:14

Muri mwebge ntihaze hagire ūgirira nabi umukozi w’umucangero, kand’ ar’ umworo w’umukene, ar’ uwo mu b’i wanyu, cank’ uwo mu banyamahanga baba mu bisagara vyanyu, mu gihugu canyu:

EZEKIYELI 22:29

Abantu b’abanyagihugu barahahaza bakambura; mbere bakagirira nabi umugorwa n’umukene, bakadendereza umuntu w’akavantara.

EZEKIYELI 22:7

Ababa muri wewe bakēngēra ba se na ba nyina; muri wewe ni ho bahahariza umuntu w’akavantara; muri wewe ni ho barīra impfuvyi n’ abapfakazi.

Gusubira mu Vyagezwe 24:17

Ntihaze hagire ūgoreka urubanza rw’umunyamahanga, cank’ urw’ impfuvyi; canke ngo hagire uwaka umupfakazi impuzu yiwe kw ingwati:

Gusubira mu Vyagezwe 24:18

ariko muze mwibuke yuko mwari mu buja muri Egiputa, Uhoraho Imana yanyu akahabagobōtora: ni co gitumye mbabuza kuzogenza murtyo.

Gusubira mu Vyagezwe 27:19

Abalewi bat’ Azoba avumwe, ūgoreka urubanza rw’inyambukīra, canke rw’impfuvyi canke rw’umupfakazi. Abantu bose bitabirize, bati Amen.

Kuvayo 22:20

Ūzotanga ikimazi, akagiha iyindi mana, atari jewe Uhoraho jenyene, az’ arandurwe rwose.