Abalewi 19:15 - Bibliya Yera 1951 1967 (Burundi)

¹⁵ Ntimuze mucishe urubanza aho rutari; ntimuze muce urwa nkunzi mubitewe no kugirira impuhwe umworo, canke no gutinya ūhambaye; ariko muze mucire bagenzi banyu imanza ziroranye.

Abalewi 19:15 Referans Kwoze

Gusubira mu Vyagezwe 1:17

Nti Ntimuze muce urwa nkunzi, nt’ Ariko muze mwumvirize aboroshe n’abahambaye, mubanganye: nti Ntimuze mutinye umuntu ku kigohe, kukw imanza ar’ iz’ Imana. Nti Kand’ urubanza ruzobananira, muze murunzanire, ndarwumvirize, ndaruce.

Imigani 24:23

N’aya nyene n’amajambo y’ abanyabgenge. Mu manza si vyiza gutinya abantu ku kigohe.

Gusubira mu Vyagezwe 27:19

Abalewi bat’ Azoba avumwe, ūgoreka urubanza rw’inyambukīra, canke rw’impfuvyi canke rw’umupfakazi. Abantu bose bitabirize, bati Amen.

Abalewi 19:35

Ntimuze mugoreke imanza, mu gusuzuma ivyo kugeresha metero, cank’ ikilo, cank’ ingero.

Imigani 18:5

Mu manza si vyiza gutinya umunyakibi ku kigohe, Canke gutsindisha umugororotsi.

Gusubira mu Vyagezwe 16:19

Ntimuze mugoreke imanza, ntimuze muce urwa nkunzi, canke ngo murye ingurire: kukw ingurire ihuma amaso y’ abanyabgenge, ikagoreka imanza z’ukuri.

Zaburi 82:2

Iti Muzogeza hehe kugoreka imanza, No gutinya abanyakibi ku kigohe? Sela.

Kuvayo 18:21

Ikindi, utoranye mu bantu bose abashoboye guca imanza, bubaha Imana, b’abanyakuri, banka ingurire; uheze ubakuze, babe bakuru bo kuganza abantu, bamwe igihumbi‐igihumbi, abandi ijana‐ijana, abandi mirongwitanu‐itanu, abandi cumi‐cumi.

Yohana 7:24

Ntimupfe guca imanza ku biboneka, ariko muce imanza z’ukuri.

Ivyakozwe 23:3

Maze Paulo aramubgira, at’ Imana izogukubita, wa rusika rukuyengejekw ingwa: mbega wewe ko wicaritswe no kuncira urubanza nk’ukw ivyagezwe biri, ugatako ukavuga ko bankubita ukanyuranya n’ivyagezwe?

Gusubira mu Vyagezwe 10:17

Kuk’ Uhoraho Imana yanyu ar’ Imana isumba izindi, n’Umwami asumba abandi, n’ Imana ihambaye, n’Inyabushobozi iteye ubgoba, idatinya abantu ku kigohe, itarya ingurire.

Yobu 13:8

Mbega muyitinya ku kigohe? Non’ Imana mwoyitsa?

Yobu 32:21

Muntunge, mvuge ntarobanuye abantu ku butoni; Sinogira umuntu n’umwe nohema.

Yobu 34:19

None ntibirushirije kuba ibitabereye kubibarira Īdatinya abaganwa ku kigohe, Ntikunde umutunzi kumurutisha umworo, Kuko bose ar’ igikorwa c’ intoke zayo?

Imigani 31:9

Teranura akanwa, uce izibereye, Ucire imanza impahazwa n’ umugorwa.