Abalewi 19:13 - Bibliya Yera 1951 1967 (Burundi)

¹³ Ntihaze hagire ūhahaza mugenzi we, canke ngw amwambure; ntihaze hagire ūrārana ingero umucangero yakoreye.

Abalewi 19:13 Referans Kwoze

Yakobo 5:4

Eh’ ingero z’abashwabuzi bābashwaburiye imirima, izo mwabagunze, zirataka: amaborogo y’abābashwaburiye yinjiye mu matwi y’Uhoraho Nyen’ ingabo.

Malaki 3:5

Kandi nzobēgēra nce amateka; nzokwihutira kwagiriza abarozi, n’abasambanyi, n’abarahira ibinyoma, n’ abagunga umucangero ingero yiwe, n’abanyikiza umupfakazi n’impfuvyi, bakagirira nabi inyambukīra, nanje ntibanyubahe, ni k’Uhoraho Nyen’ ingabo agize.

Yeremiya 22:13

Azobona ibara uwubakisha inzu yiwe mu biva mu kugabitanya, akayitegurisha ibigungano; agakoresha mugenzi we ku kagōbēro, ntamuhe ingero yiwe;

Imigani 20:10

Ibilo bitangana n’ibigeresho bitangana Vyompi n’igisesema k’Uhoraho.

Mariko 10:19

K’uzi ivyagezwe, ngo Ntukice, ntugasambane, ntukibe, ntukāgirize abandi ibinyoma, ntukagunge, wubahe so na nyoko.

EZEKIYELI 22:29

Abantu b’abanyagihugu barahahaza bakambura; mbere bakagirira nabi umugorwa n’umukene, bakadendereza umuntu w’akavantara.

Yeremiya 22:3

Uku ni k’Uhoraho agize, ati Ni muce imanza ziroranye n’izigororotse, mukize ūnyazwe, mumukūre mu kuboko kw’ ūmuhahaza; ntimugirire nabi canke ngo muhahaze ingenzi n’ impfuvyi n’umupfakazi, canke ngo muvishirize aha hantu amaraso y’ abatācumuye.

Kuvayo 22:21

Umunyamahanga ntimuze mumugirire nabi, canke ngo mumuhahaze, kuko namwe mwar’ abanyamahanga mu gihugu ca Egiputa.

Kuvayo 22:15

Ariko nyene co ni yahaba, uwo ntaz’ akirihe, ni yaba yagitanze ku mpēra, iyo mpēra nyene izoba ibaye indihano.

1 Tesalonike 4:6

ng’umuntu wese ntarenge ibikwiye, kandi ntagunge mwene Data wundi kur’ ivyo, kuk’ Umwami wacu ar’ umuhōzi kur’ ivyo vyose, nk’uko twababūriye tubishimikiye.

Luka 3:13

Arabishura, ati Ntimugatoze abantu ibiruta ivyo mwagezwe.

Imigani 22:22

Ntugasahure umugorwa kubg’ ubugorwa bgiwe, Kandi ntukanyikirize umurushwa mw ikombe.

Yobu 31:39

Kand’ asangwa narariye ivyeze vyaho ata co nishuye, Cank’ asangwa narishe nabi bene ho:

Abalewi 6:3

cank’ akabona icazimiye, akakigunga, akakirahira ibinyoma; ni hagira ikintu na kimwe mur’ ivyo vyose umuntu azokora, agakora icaha ubgo buryo;

Kuvayo 22:13

Na ho ni catabagurwa n’igikōko, azane ikirangara kibishingira intahe; ntārinde kuriha iyatabaguwe.

Matayo 20:8

Bugorovye, nyen’ uruzabibu abgira umukoresha wiwe, ati Hamagara abakozi, ubagerere ingero zabo, utangurire mu bo hanyuma gushitsa ku ba mbere.

1 Timoteyo 5:18

Kukw icanditswe kivuga, ngo Ntimuze murumye umunwa w’inka irikw irasekura ingano; kandi ng’ Umukozi akwiye ingero yiwe.

Kuvayo 20:15

Ntukibe.

Kuvayo 22:7

Umuntu ni yabītsa mugenzi we amahera cank’ ibindi bintu, bikībirwa i we, uwavyivye ni yaboneka az’ arihe ibingana na vyo kabiri.

Yobu 17:5

Umuntu ashengerera bagenzi biwe ngo banyagwe, Amaso y’abana biwe azokoboka.

Imigani 3:28

Ntukabgire mugenzawe, uti Genda, uz’ugaruke, Ejo nzoguha; Kand’ ubifise ngaho.

EZEKIYELI 18:7

atāgize uwo agunga, arikw akaba yarashubije ingwati nyeneyo; atāgize uwo anyaga ku gahahazo, arikw akaba yaragaburiye ūshonje, akambika impuzu uwambaye ubusa;

EZEKIYELI 22:12

Muri wewe bābīra ingurire yo kuvisha amaraso; waka ay’ inyungu ku ngurāne, ukāka n’ ibirenzeko, uronka inyungu kuri bagenzi bawe ku gahotoro, ariko jewe waranyibagiye; ni k’Umwami Uhoraho agize.

Abalewi 25:14

Kandi ni hagira ūgurira ikintu mugenzi we, cank’ akagira ico amuguzeko na we, ntimuze mugungane.

Abalewi 25:17

Nuko ntimuze mugungane, ariko muntinye, jewe Imana yanyu, kuko nd’ Uhoraho Imana yanyu.

Yobu 7:2

Nk’uk’ umugurano yifuza igitūtu, N’umucangero akarereka ingero yiwe,