Abalewi 19:10 - Bibliya Yera 1951 1967 (Burundi)

¹⁰ Ntimuze muhumbe mu mirima y’imizabibu yanyu, canke ngo mutore izahungurukiyeyo: muze mubisigarize aboro n’abanyamahanga: ni jewe Uhoraho Imana yanyu.

Abalewi 19:10 Referans Kwoze

Yesaya 24:13

Kuk’ ukw ari ko bizomera mw isi hagati mu mahanga; bizomera nk’iyo banyiganyije igiti ca elayo, canke nk’uduhumbga tw’inzabibu iy’ iyimbura rishize.

Yesaya 17:6

Ariko hazosigaramw’ uduhūmbga, nk’ uko dusigara ku giti ca elayo bamaze kukinyiganyiza, hosigarayo elayo tubiri canke dutatu mu bushorishori, cabure tune canke dutanu ku mashami y’inyuma y’igiti cāri kiregeje, ni k’Uhoraho, Imana y’Abisirayeli, agize.

Abalewi 25:6

Mugabo, ivyo mu gihugu vyapfuye kwimeza mur’ ico gihe c’isabato yaco ni vyo bizoba ivyo kurya vyanyu, mwe n’abagurano banyu, n’abaguranokazi banyu, n’ abakozi banyu b’abacangero, n’ abanyamahanga baba muri mwebge;

Mika 7:1

Mbonye ibara! Kuko mmeze nk’igihe c’iyerūra ry’amatunda yo mu ci, nk’uduhūmbga two mu ruzabibu: ata n’agahando ko kurya; umutima wanje wifuza agasukoni k’isega.

Obadiya 1:5

Ewe kuntu ugeseye! Ibisuma vyokūzira, cank’ abambuzi mw ijoro, mbega ntibogusahura kugeza bīhāgije gusa? Cank’ abāmūzi b’inzabibu boza kuri wewe, mbega ntibosigaza uduhūmbga tw’inzabibu?

Yeremiya 49:9

Abamura inzabibu bogushikako, mbega hari n’uduhumbga tw’ inzabibu bogusigariza? Cank’ ibisuma vyogutahako mw ijoro ntivyokwoza uko bishaka?

Abacamanza 8:2

Arabishura, ati Har’ ico nakoze gihwanye n’ ico mwakoze? Mbeg’ imizabibu Abefurayimu mwahumvye ntirengeye iy’ Ababiyezeri bimbuye?

Abalewi 19:9

Kandi ni mwimbura ivyimburwa vyo mu gihugu canyu, ntimuze muherengeteze rwose kwimbura ivyo ku mibari y’imirima yanyu, kandi ntimuze muhumbe uduhumbga twose iyo muriko murashwābūra.

Abalewi 19:11

Ntimuze mwibe, ntimuze mugunge, canke ngo mubeshane.

Abalewi 23:22

Kandi ni mwimbura ivyimburwa vyo mu gihugu canyu, ntimuze muherengeteze rwose gushwābūra ivyo ku mibari y’imirima yanyu, kandi ntimuze muhumbe uduhumbga tw’ivyo mwimbuye: muze mubisigarize aboro n’abanyamahanga: nd’ Uhoraho Imana yanyu.

Gusubira mu Vyagezwe 24:19

Ni mwimbura imirima yanyu, hakagira uwibagiriray’ umuganda, ntaz’ asubireyo kuwuzana: uzoba uw’ umunyamahanga cank’ uw’ impfuvyi cank’ uw’ umupfakazi; kugira ng’ Uhoraho Imana yanyu abahezagire mu bikorwa vyanyu vyose.

Gusubira mu Vyagezwe 24:20

Muri mwebge iyo hagize ūja guhungurura ivyamye ku giti ciwe c’umwelayo, ntaz’ asubire gusesa mu mashami yawo ubugira kabiri: ibisigaye bizoba ivy’ umunyamahanga cank’ impfuvyi cank’ umupfakazi.

Rusi 2:2

Rusi wa Munyamowabukazi abarira Nawomi, ati Ndekura ngende mu bibuba mpūmbe uduhūmbga, nkurikire uwongirira ubuntu. Aramwishura, ati Genda, mukobga wanje.

Abalewi 11:44

Kuko nd’ Uhoraho Imana yanyu: ni mwiyeze rero, mube abera, kuko nanje nd’ uwera; kandi ntimuze mwiyandurishe akanyonyera k’uburyo bgose kagendera hasi.

Abalewi 19:25

Maze mu mwaka ugira gatanu abe ari ho mutangura kurya ku vyamye kuri vyo, kugira ngo birushirize kubāmira: ni jewe Uhoraho Imana yanyu.

Gusubira mu Vyagezwe 24:21

Kand’ iyo hagize ūja kwāmūra inzabibu mu ruzabibu rwiwe, ntaz’ asubiremwo guhūmba: izisigaye zizoba iz’ umunyamahanga cank’ impfuvyi cank’ umupfakazi.