Abalewi 18:3 - Bibliya Yera 1951 1967 (Burundi)

³ Uti Ntimuze mukore nk’ivyo abo mu gihugu ca Egiputa bakora, abo mwahora mubamwo; kandi ntimuze mukore nk’ivyo abo mu gihugu c’i Kanani bakora, iy’ abajanye kuba: ntimuze mukurikire amabgirizwa yabo.

Abalewi 18:3 Referans Kwoze

Abalewi 20:23

Ntimuze mugendere mu migenzo y’ihanga ngira nze nirukane imbere yanyu: kukw ivyo vyose ari vyo bākora, bigatuma mbanka urunuka.

Kuvayo 23:24

Kandi ntimukikubite imbere y’ibigirwamana vyabo, canke ngo mubisabe, canke ngo mwīgāne ingeso zabo: ariko muze mubihenebereze rwose, mumenagure amabuye yavyo bāshinze kw inkingi.

EZEKIYELI 23:8

Kandi ntiyaretse ubumaka bgiwe yagize uhereye ari muri Egiputa; kuko mu buto bgiwe bāryamanye na we, bagakorakora ku mabere yo mu bukumi bgiwe, kandi bakamugwizak’ ubusambanyi bgabo.

Abaroma 12:2

Ntimushushanywe n’ivy’ iki gihe, yamara muhinduke rwose, mugize imitima misha, kugira ngo mumenye neza ivy’ Imana igomba, ni vyo vyiza bishimwa, bitunganye rwose.

Zaburi 106:35

Ariko bivangavanga n’amahanga, Biga ingeso zayo.

Gusubira mu Vyagezwe 12:4

Ntimuze musenge Uhoraho Imana yanyu ubgo buryo bgabo,

Gusubira mu Vyagezwe 9:4

Uhoraho Imana yanyu ni yamara kubirukana imbere yanyu, ntimuze mwiyumvire mu mitima yanyu, mut’ Ukugororoka kwacu ni kwo kwatumye Uhoraho atwinjiza iki gihugu ngo tucegukire; ereg’ ukugabitanya kw’ayo mahanga ni kwo kuzoba gutumye Uhoraho ayirukana imbere yanyu.

2 Abami 17:8

bakagendera mu migenzo y’amahanga Uhoraho yari yarirukanye imbere yabo, no mu migenzo abami b’Abisirayeli bābashiriyeho.

Gusubira mu Vyagezwe 29:17

kandi mwabonye ibizira bākunda, n’ibigirwamana vyabo vy’ ibiti n’amabuye n’ifeza n’izahabu vyari muri bo.