Abalewi 17:10 - Bibliya Yera 1951 1967 (Burundi)

¹⁰ Kand’ umuntu wese wo mu nzu ya Isirayeli, canke wo mu banyamahanga baba muri bo, azokwigera ageza ubuseri mu kanwa, nzohoza igitsūre canje kur’ uwo muntu yariye ubuseri, ndamurandure mu bgoko bgabo.

Abalewi 17:10 Referans Kwoze

Abalewi 17:11

Kuk’ ubugingo bg’umubiri buba mu maraso, nanje nshinze kw aba ku gicaniro kubganyu, ngw abe impongano y’ubugingo bganyu: kukw amaraso ar’ impongano, kubg’ ubugingo buri muri yo.

Gusubira mu Vyagezwe 12:23

Mugabo, muze mwirinde ntimurye ubuseri, kukw amaraso ari yo bugingo: ntimukarye inyama zikirimw’ ubugingo bgazo.

Gusubira mu Vyagezwe 12:16

Mugabo ntimuze murye ubuseri: muze muyareke asēseke hasi nk’amazi.

Abalewi 3:17

Bize bibabere icagezwe c’intahava ukw ibihe vy’urunganwe rwanyu bizogenda bikurikirana, yuko mu ngo zanyu zose mutazokwigera mugeza mu kanwa ibinure cank’ ubuseri.

Yeremiya 44:11

Nuko rero, uku ni k’Uhoraho Nyen’ ingabo agize, ni we Mana y’Abisirayeli, at’ Ehe rāba, mbatungiriye igitsure ngo mbazanekw ivyago, ngo mperengeteze i Buyuda hose.

1 Samweli 14:33

Baca babibarira Sauli, bat’ Ereg’ abantu baracumuye k’Uhoraho, kuko bariko bararya inyama amaraso akirimwo. Arababgira, ati Murahemutse; ni muntembagarize hano ibuye rinini.

Abalewi 26:17

Kandi nzohoza igitsūre canje kuri mwebge, muzoneshwa n’abansi banyu: ababanka ni bo bazobaganza; kandi muzohunga ata kibirukanye.

Itanguriro 9:4

Ariko ntimukarye inyama zikirimw’ ubugingo bgazo, ni bgo maraso yazo.

EZEKIYELI 44:7

ko mwinjije abanyamahanga batākebge mu mitima no ku mibiri ngo babe ahēra hanje, ngo bahumanye ingoro yanje, igihe mutanga ivyo kurya vyanje vy’ ibinure n’amaraso, maze bakica isezerano ryanje, bakongereza ku bizira vyanyu vyose.

EZEKIYELI 15:7

Kandi nzobatungīra igitsure; bazova mu muriro basubire mu wundi ubatongore; kandi namwe muzomenya yuko jewe nd’ Uhoraho, abo ni nabatungīra igitsure.

EZEKIYELI 14:8

nzotungīra igitsure uwo muntu, ndamuhindure akajoreza n’ikimenyetso n’iciro ry’imigani, kandi nzomurandura mmukūre hagati mu bantu banje; nuko muzomenya ko jewe nd’ Uhoraho.

Zaburi 34:16

Igitsure c’Uhoraho kiri ku bakora ibibi, Ngw ahenebereze ukwibukwa kwabo mw isi.

Gusubira mu Vyagezwe 15:23

Mugabo ntimuze murye ubuseri bgavyo: muze muyareke asēseke hasi nk’amazi.

Abalewi 19:26

Ntimuze mugire ikintu murya kikirimw’ amaraso yaco: ntimuze mutere amabara, canke ngo mupfumuze.

EZEKIYELI 33:25

Nuko rero, ubabarire, ut’ Uku ni k’Umwami Uhoraho agize, ati Ko murya inyama zitavuyemw’ amaraso, mukunamurira amaso ibigirwamana vyanyu, mukavisha amaraso: none mugira ngo mwohabga igihugu kw ishamvu?

Yeremiya 21:10

Kuko ntungiriye igitsure iki gisagara ngo nkizanekw amagorwa, sinkizanekw amahirwe, ni jewe Uhoraho mbivuze; kizotangwa mu kuboko kw’umwami w’i Babuloni, kand’ azogitongoza umuriro.

Ivyakozwe 15:20

ariko tubandikire ngo bareke ibihumanya vy’ibigirwamana, no gusambana, no kurya ibinizwe, bo n’amaraso.

Abaheburayo 10:29

Mugira ng’umuntu ntazoba akwiye guhanwa ibirushirije cane, asiribanze Umwana w’Imana, akiyumvira amaraso y’isezerano yamwejeje kw ar’ igihumane, agacokora Mpwemu w’ubuntu?

Ivyakozwe 15:29

mureke kurya ivyaterekerejwe ibigirwamana, n’amaraso, n’ibinizwe, mureke no gusambana; ivyo ni mwavyirinda, muzomera neza. Nuko muganūke.

1 Samweli 14:32

Hanyuma bagurukira ku myiri banyaze, bafata intama n’inka n’inyana, bazitsinda hasi barazizibagura, bazirya zikirimw’ amaraso.

2 Samweli 23:17

Aravuga, at’ Ewe Uhoraho, biragahera ko nokora ntyo! Ndābe nnywe amaraso y’abantu bahevye amagara yabo? Ni co catumye yanka kuyanywa. Ivyo ni vyo vyakozwe na ba bandi batatu b’ abahizi.

Amosi 9:4

Kandi naho bokwambukanwa n’abansi babo ar’ inyagano, aho na ho nzohabagomorera inkota, ibamare: kandi nzobatungīra igitsure co kubazanira ivyago ariko s’amahirwe.

Kuvayo 30:33

Umuntu wese azovanga āhwanye na yo, canke ngw ayasuke k’ūtar’ umuherezi, az’ arandurwe mu bgoko bgabo.