Abalewi 16:33 - Bibliya Yera 1951 1967 (Burundi)

³³ az’ atange impongano y’Ahēra cane, n’iy’ ihema ry’ibonaniro, n’iy’ igicaniro, atange n’iy’ abaherezi, n’iy’ ikoraniro ry’abantu bose.

Abalewi 16:33 Referans Kwoze

Abalewi 16:16

Uko ni kw azoba atangiriye Ahēra impongano, kubg’ ubuhumane bg’Abisirayeli, no kubg’ ibicumuro vyabo, n’ivyaha vyabo vyose; kand’ abe ari kw agirira n’ihema ry’ibonaniro, riri hagati yabo, mu buhumane bgabo.

Abalewi 16:24

Aheze yiyuhagirire ahantu hēra, yambare imyambaro yahorana, asohoke, yitangire ikimazi ciwe ubgiwe co kwoswa, atangire n’abantu icabo, yihongere ubgiwe, ahongere n’abantu.

Abalewi 16:6

Aroni aheze yīgize hafi ya masa y’ikimazi co gutangirwa ivyaha, yo kwitangirira, yo kwitangirakw impongano bo n’urugo rwiwe.

Abalewi 16:11

Aroni aheze yīgize hafi ya masa y’ikimazi co gutangirwa ivyaha yo kwitangirira, yo kwitangirakw impongano bo n’urugo rwiwe, akerere iyo masa y’ikimazi c’ivyaha yitangiriye.

EZEKIYELI 45:18

Uku ni k’Umwami Uhoraho agize, ati Mu kwezi kwa mbere, ku musi wakwo wa mbere, uze wābīre imasa y’umukangara idafise agasembga; uheze uz’ uhumanure ahēra.

Abalewi 23:28

Ntimuze mugire igikorwa na kimwe mukora kur’ uwo musi, kukw ar’ umusi w’ impongano, aho muzotangirwa impongano imbere yanje, jewe Uhoraho Imana yanyu.