Abalewi 15:24 - Bibliya Yera 1951 1967 (Burundi)

²⁴ Kandi ni hagira umugabo aryamana na we, imiziro yiwe ikamwanduza, uwo mugabo azoba ahumanye kumara imisi ndwi: uburiri bgose azoryamako buzoba buhumanye.

Abalewi 15:24 Referans Kwoze

Abalewi 20:18

Umuntu ni yaryamana n’umugore akiri mu muhango wiwe, akamwambika ubusa, azoba yambitse ubusa isōko yiwe, na wa mugore azoba atwikuruye iyo sōko y’amaraso yiwe: bompi baze barandurwe mu bgoko bgabo.

1 Petero 2:11

Abo nkunda, ndabinginga, ko mur’ inyambukīra n’ingenzi mwirinde ivyifuzo vy’umubiri birwanya ubugingo;

Abalewi 18:19

Ntihaze hagire uwegera umugore ngw amwambike ubusa, akiri mu muhango wiwe.

Abaheburayo 13:4

Umubano w’abābīranye ni wubahwe na bose, kand’ uburiri bgabo bgoye guhumanywa: kukw abashakanyi n’abasambanyi Imana izobacirakw iteka.

EZEKIYELI 18:6

akaba atārīriye mu bitabo ku misozi, ntiyunamurire amaso ibigirwamana vy’inzu ya Isirayeli, kand’ akaba atononnye umugore wa mugenzi we, akaba atēgereye umugore mu gihe ari mu miziro;

EZEKIYELI 22:10

Muri wewe bonona baka se; muri wewe bafata abagore bari mu miziro.

Abalewi 15:33

n’ivy’ umukobga cank’ umugore arwaye ubutinyanka, n’ ivy’ ūvubgamwo n’ibimuhumanya wese, ar’ umugabo ar’ umugore, n’ivy’ umugabo arāranye n’umugore ahumanye.

1 Tesalonike 5:22

mwirinde icitwa ikibi cose.

Abalewi 15:23

Uhereye ku buriri bgiwe, canke ku kintu cose yicayeko, ūzogikorako azoba ahumanye gushitsa ku mugoroba.