Abalewi 14:8 - Bibliya Yera 1951 1967 (Burundi)

⁸ Nyene guhumanurwa aheze amesure impuzu ziwe, yimoshe ahamera umushatsi hose, yiyuhagire, azoba ahumanutse, abone kugaruka aho mushagaje; arikw amare imisi ndwi abe hanze inyuma y’ihema ryiwe.

Abalewi 14:8 Referans Kwoze

Abalewi 11:25

kandi n’uwogira ico aterura co ku muvyimba wavyo, az’ amesure impuzu ziwe, akomeze kuba ūhumanye gushitsa ku mugoroba.

1 Petero 3:21

Ayo ni yo abakiza namwe ubu, mu buryo bg’ikigereranyo c’ukubatizwa, s’ugukūrah’ imvyiro zo ku mubiri, ariko n’isezerano ry’umutima utāgiriza ikibi usezeranye ku Mana, abakirisha ukuzuka kwa Yesu Kristo,

Guharūra 8:7

Uku abe ari k’ugenza mu kubahumanura: ubacucagire amazi y’impongano y’ivyaha, bamweshe urupfuhe ku mubiri wabo wose ahamobga, bamesure impuzu zabo, bihumanure.

Ivyahishuwe 7:14

Ndamwishura, nti Mugenzi, ni wewe wobimenya. Arambgira, at’ Aba n’abāvuye muri wa mubabaro mwinshi, kandi bamesuye imvune zabo bazezesha amaraso ya wa Mwagazi.

2 Ivyo ku Ngoma 26:21

Nuk’ umwami Uziya arinda atanga akir’ umunyamibembe, aba mu nzu ya wenyene kubg’ imibembe yiwe, kukw atemerewe kuza mu ngoro y’Uhoraho; maze Yotamu umwana wiwe ni we yagaba ivyo mu rugo i bgami, agacira abantu bo mu gihugu imanza.

Abalewi 14:20

Uwo muherezi atangire ku gicaniro ico kimazi co kwoswa bo na rya shikanwa ry’ifu; uko ni kw azoba amuhongeye, na we azoba yejejwe.

Abalewi 14:9

Ku musi ugira indwi yimoshe umushatsi wose wo ku mutwe, n’ubganwa n’ibigohe, amwe n’ uwundi wose; aheze amesure impuzu ziwe, yiyuhagire, abe ahumanutse.

Abalewi 8:6

Mose araheza azana Aroni n’abana biwe, arabuhagira.

Kuvayo 19:14

Nuko Mose aramanuka, ava kur’ uwo musozi, aja iy’ abantu bari, arababgira bariyeza, bamesura impuzu zabo.

Kuvayo 19:10

Uhoraho abarira Mose, ati Genda ku bantu, ubabgire biyeze uyu musi n’ejo, bamesure impuzu zabo,

Abalewi 15:13

Kand’ umunyagisokoro ni yagera guhumanurwa igisokoro ciwe, az’ aharūre imisi ndwi yo guhumanurwa, amesure impuzu ziwe; yiyuhagire mu mazi yavomwe mu mbizi, abone guhumanuka.

Guharūra 6:9

Kandi ni hagira umuntu agwa bukumbi i ruhande yiwe, akanduza umutwe w’ubunaziri bgiwe, ku musi wo guhumanurwa kwiwe aze yimoshe: ku musi ugira indwi az’ abe ari ho yimosha.

Gusubira mu Vyagezwe 21:12

az’ amujane i we, yimoshe, ace inzāra,