Abalewi 13:45 - Bibliya Yera 1951 1967 (Burundi)

⁴⁵ Kand’ umunyamibembe iy’ arwaye iyo ndwara, agende yambaye impuzu zitantamutse, ahamburuye umushatsi wiwe, yipfutse ku munwa, agende arasemerera, ati Ndahumanye, ndahumanye!

Abalewi 13:45 Referans Kwoze

Mika 3:7

Abamenyi bazotētērwa, n’abapfumu bamāramāre; mbere bose bazojorerwa, kukw ata co bishuwe kivuye ku Mana.

Abalewi 10:6

Mose abarira Aroni n’abana biwe Eleyazari na Itamari, ati Ntimuhamburure imishatsi yanyu, canke ngo mutantamure impuzu zanyu, kugira ngo ntimupfe, kand’ Uhoraho ntarakire ikoraniro ryose; ariko bene wanyu, ab’ inzu yose ya Isirayeli, abe ari bo baborogeshwa n’ umuriro Uhoraho arekuye.

EZEKIYELI 24:17

Kuniha kwawe kuraba amapfiranda; ntuz’ ugandarire ūpfuye, wizingire igitambara cawe mu mutwe, wambare inkweto zawe, ntiwipfuke ku munwa, kandi nturye ibiryazagu.

GUCURA INTIMBA 4:15

Barabahāniranwa, bati Ni mwīgireyo, mwa bihumane mwe! Ni mwīgireyo, ni mwīgireyo, ntimugire ico mukorako! Igihe bāhunga bayerera, abantu bo mu mahanga baravuga, bati Ntibabe bakiba hano.

Luka 17:12

Ashitse mu mihana, asanganirwa n’abanyamibembe cumi, bahagarara kure,

EZEKIYELI 24:22

Namwe muzogira nk’ uko mmeze: ntimuzoruha mwipfuka ku munwa, canke ngo murye ibiryazagu.

Abalewi 21:10

Umuherezi abaye mukuru muri bagenzi biwe, yasutswe amavuta mu mutwe yo kumurobanura, akaba yashikirijwe ibango ngo yambare ya myambaro, ntaz’ ahamburure umushatsi wiwe, canke ngo yitantamurirekw impuzu ziwe agandaye;

Luka 5:8

Ariko Simoni Petero abibonye yikubita imbere y’amavi ya Yesu, ati Va aho ndi, Mugenzi, kuko nd’ umunyavyaha.

Yesaya 64:6

Kuko twese twahindutse nk’ibihumane, kand’ ukugororoka kwacu kwose kumeze nk’impuzu yanduye; twese dukabiranye nk’ikibabi, kand’ ibigabitanyo vyacu bidukubeba nk’ umuyaga.

Yesaya 6:5

Maze ndavuga, nti Mbonye ibara, ndapfuye; kuko nd’ umunyaminwa yanduye, kandi mba hagati y’ubgoko bufise iminwa yanduye; kukw amaso yanje abonye Umwami, Uhoraho Nyen’ ingabo.

Zaburi 51:3

Kuko nzi ibicumuro vyanje, Icaha canje cama imbere yanje na ntaryo.

Yoweli 2:13

imitima yanyu abe ari yo mutabura, ariko s’impuzu zanyu, kandi mugaruke k’Uhoraho Imana yanyu: kukw ar’ inyabuntu, yuzuye imbabazi, iteba kuraka, igira ikigongwe cinshi, kandi yigarura ngo ntizane ikibi.

Yeremiya 36:24

Kandi nta bgoba bāgira, ngo bitantamurireko n’impuzu zabo, ar’ umwami canke n’umwe wo mu basavyi biwe bumvise ayo majambo yose.

Yeremiya 3:25

Ni turambarare hasi mu gatētereza kacu, twipfuke ubumāramāre bgacu; kuko twacumuye k’Uhoraho Imana yacu, twe na ba sogokuruza, kuva mu buto bgacu gushitsa no kur’ uyu musi, ntitwumvire Uhoraho Imana yacu.

Zaburi 51:5

Rāba, nabumbanywe ukugabitanya, Mu vyaha ni ho mama yamvyariye.

Yobu 42:6

Ni co kinteye kwizinukwa, nkihana Nigaragura mu mukungugu no mu munyota.

Yobu 1:20

Maze Yobu ava hasi, yitantamurirak’ umutamana wiwe yimosha inkomvorera, yikubita hasi, arasenga,

2 Samweli 13:19

Maze Tamari yiyorera umunyota mu mutwe, yitantamurirako wa mwambaro wiwe w’amaboko, yiremēka ukuboko, agenda ararira ingenda, aboroga.

Itanguriro 37:29

Reyubeni agaruka kuri rwa rwobe, asanga Yosefu atarimwo; yitantamurirakw impuzu ziwe.

Yesaya 52:11

Ni mugende, ni mugende, muveyo; ntimugakore ku kintu gihumanya na kimwe; muve hagati yaho; mwitunganye, yemwe abashorezi b’imbombovu z’Uhoraho.

Abalewi 13:44

uwo muntu azoba ar’ umunyamibembe, azoba ahumanye; umuherezi ntaz’ abure kuvuga kw ahumanye; iyo ndwara izoba yamufatiye mu mutwe.

2 Abami 7:3

Kandi hār’ abantu bane b’abanyamibembe kw irembo ry’igisagara; baravugana, bati N’iki kitwicaritse ngaha kugira ngo tuhapfire?

Guharūra 5:2

ati Barira Abisirayeli, bakūre aho mushagaje umunyamibembe n’ ūfise igisokoro n’ūhumanijwe no gukora ku muvyimba, uw’ ari we wese,