2 Petero 2:9 - Bibliya Yera 1951 1967 (Burundi)

⁹ Umwami Imana arazi gukiza abamwubaha ibibagerageza, no kurinda abagabitanya bahanwa gushitsa ku musi w’amateka,

Bibiliya mu Kirundi coroshe

⁹ Ivyo vyerekana ko Imana izi gukiza abayubaha ikabakura mu marushwa yabo, ariko kandi igashobora no kurindiriza abatayubaha kugeza ku musi w’imanza, aho izobahanira.

2 Petero 2:9 Referans Kwoze

1 Korinto 10:13

Nta cabagerageje kitar’ ic’ umuntu yoshobora kwihanganira: arikw Imana n’iyo kwizigirwa ntizobakundira ko mugeragezwa n’ibiruta ivyo mushobora, ariko hamwe n’ikibagerageza izobacira icanzo, kugira ngo mubone ingene mushobora kucihanganira.

Ivyahishuwe 3:10

Ko witondeye ijambo ryo kwihangana kwanje, nanje nzokurinda igihe co kugerageza, kigira kize mu bihugu vyose, kugerageza ababa mw isi.

2 Timoteyo 3:12

Mber’ abagomba bose kugenda bubaha Imana bari muri Kristo Yesu, bazohamwa.

2 Petero 3:7

arikw amajuru y’ubu, bo n’isi, iryo jambo ryabibīkiye kuzosha, kugira ngo birindwe gushitsa ku musi w’amateka, wo gutikira kw’abatubaha Imana.

Imigani 16:4

Uhoraho yaremye ikintu cose ngo kigire ico gikora, Mbere n’abanyakibi na bo yabashizeho ngo babone umusi mubi.

Yobu 5:19

Izokurokora mu vyago bitandatu, Mbere no mu vyago ndwi nta kibi kizogukorako.

Tito 2:14

yatwiguze kugira ngw aducungure, adukūrekw ivyo twagabitanije vyose, kandi yihumanurire ubgoko ngo babe icibare ciwe, barwane ishaka ry’ibikorwa vyiza.

2 Petero 2:4

Kuko, kw Imana itāgiriye ikigongwe abamarayika bākoze ivyaha, arikw ikabakororera i kuzimu, ikabashira mu vyobo vy’umwiza, ngo barindirwe kuzocirwakw iteka;

Abaroma 2:5

Ariko kuk’ ufise umutima ukomantaye utihana, wirindiriza uburake buzoba ku musi wo kuraka, ah’ amateka abereye y’Imana azohishurirwa,

Zaburi 4:3

Ariko mumenye yuk’ Uhoraho yirobanuriye umukunzi wiwe, Uhoraho azonyumva uko ndamutakambiye.

Zaburi 32:6

Ni co gituma ūkwubaha wese akwiye kugusengera mu gihe wobonerwamwo: N’ukuri, iy’ amazi asendanishije yamaze iminyika, ntazomushikako.

Yobu 21:30

Yukw inkozi y’ikibi ihora irokoka ku musi w’ivyago, Kandi kw ikira ku musi w’ uburake?

Zaburi 12:1

Uhoraho we, tabara: kukw abakwubaha baheze, Abo kwizigirwa bakennye mu bana b’abantu.

Zaburi 37:33

Uhoraho ntazomurekera mu kuboko kwiwe, Kandi ntazomutsindisha mu manza.

Imigani 12:13

Ibicumuro vy’iminwa y’umuntu w’ikibi bimubera umutego; Arik’ umugororotsi akira ivyago.

Matayo 6:13

kandi ntutujane mu bitwosha nabi, arik’ udukize wa Mubi. [Kuk’ ubgami n’ubushobozi n’icubahiro ar’ ivyawe ibihe bidashira. Amen.]

Matayo 10:15

Ndababgire ukuri, ku musi w’amateka igihugu c’i Sodomu n’i Gomora kizogira agahengekezo kurusha nya gisagara.

Yuda 1:6

N’abamarayika batāgumye mu bukuru bgabo, ariko bātaye ahantu habo, ibarindira kuzocirwakw iteka ryo ku musi uhambaye, bari mu minyororo idashira no mu mwiza.

1 Samweli 29:10

Nuko non’ uzindukane n’abantu ba shobuja mwāzananye, muhenge kare mu macāca, mugende.