1 Yohana 1:5 - Bibliya Yera 1951 1967 (Burundi)

⁵ Ubu ni bgo butumwa twumvise bgavuye kuri we, tukabubabgira, yukw Imana ar’ umuco, kandi muri yo ko hatagira umwiza na mukeya.

Bibiliya mu Kirundi coroshe

⁵ Ubu ni bwo butumwa twumvanye Yesu Kristo kandi ni na bwo tubabwira: Imana ni umuco; muri yo nta mwijima uhaba na gato.

1 Yohana 1:5 Referans Kwoze

Yohana 8:12

Yesu yongera kubabgira, ati Jewe nd’ umuco w’isi, ūnkurikira nta ho azogenda mu mwiza, arikw azogira umuco w’ubugingo.

Yakobo 1:17

Gutanga kwose kwiza, n’ingabire yose itunganye rwose biva mw ijuru, vyururuka biva kuri Se w’imico, adashobora guhinduka canke kugira igitūtu gitewe n’uguhindagurika.

Yesaya 60:19

Izuba si ryo rizoba rikikubera umuco ku murango, cank’ ukwezi ngo kukuboneshereze: ariko jewe Uhoraho ni jewe nzokubera umuco utazoshira, kandi jewe Imana yawe ni jewe nzokubera icubahiro.

Zaburi 27:1

Uhoraho ni we muco wanje n’agakiza kanje: nzotinya nde? Uhoraho ni we gihome gikīngira ubugingo bganje, ni nde azonca ivutu?

Yohana 1:9

Umuco w’ukuri, wākira umuntu wese, warik’ uraza mur’ iyi si.

Yohana 1:4

Muri we hārimw’ ubugingo, kand’ ubgo bugingo bgar’ umuco w’abantu.

Yohana 9:5

Nkiri mw isi, nd’ umuco w’isi.

Ivyahishuwe 22:5

Nta joro rizoba rikiriho, kandi ntibazorinda kubonesherezwa n’itara canke kwākirwa n’izuba, kuk’ Umwami Imana ari yo izobākira, kandi bazoba abami ibihe bitazoshira.

Ivyahishuwe 21:23

Kandi wa murwa nturinda kwākirwa n’izuba canke n’ukwezi, kuk’ ubgiza bg’Imana ari bgo buwākira, kandi wa Mwagazi ari we tara ryawo.

Zaburi 36:9

Kukw ah’ uri ari ho har’ isōko y’ubugingo: Mu muco wawe ni ho tuzobonera umuco.

1 Timoteyo 6:16

ni yo yonyene ifise ukudapfa, iba mu muco utēgērwa, ata muntu yigeze ayibona, ata wushobora kuyibona. Icubahiro n’ubushobozi bidashira bibe ivyayo. Amen.

Zaburi 84:11

Kuk’ Uhoraho Imana ar’ izuba, ar’ inkinzo; Uhoraho azotanga ubuntu n’ icubahiro: Ntazogira iciza na kimwe yima abagenda batunganye.

1 Yohana 3:11

Kuk’ ubu ari bgo butumwa mwumvise uhereye mbere na mbere, ngo dukundane;

1 Korinto 11:23

Kukw ico nahawe n’Umwami wacu ari co nabashikirije namwe, yuk’ Umwami Yesu mw ijoro yaguzwemwo yābiriye umutsima,

Zaburi 139:12

N’umwiza na wo ntugira ico woguhisha, Ariko mw ijoro habona nko ku murango; Umwiza n’umuco kuri wewe ni bimwe.

Yesaya 2:5

Yemwe ab’ inzu ya Yakobo, ni muze tugendere mu muco w’Uhoraho.

Daniyeli 2:22

ni yo ihishura ivy’ amabanga y’iyo bihera; ni yo izi ibiri mu mwiza, kand’ umuco ubana na yo.

Yohana 1:19

Uku ni kwo gushinga intahe kwa Yohana, ah’ Abayuda bāmutumakw abaherezi n’Abalewi bavuye i Yerusalemu, ngo bamubaze, bat’ Uri nde?