1 Samweli 2:2 - Bibliya Yera 1951 1967 (Burundi)

² Nta wera nk’Uhoraho, Kukw ata yindi mana, atari we: Kandi nta gitandara kimeze nk’Imana yacu.

1 Samweli 2:2 Referans Kwoze

2 Samweli 22:32

Ni nde Mana, atar’ Uhoraho? Ni nde Gitandara, atar’ Imana yacu?

Yesaya 44:6

Uku ni k’Uhoraho agize, Umwami wa Isirayeli, ari we Mucunguzi wiwe, Uhoraho Nyen’ ingabo: ati Nd’ uwa mbere kandi nd’ uw’ iherezo, kandi nta yindi Mana atari jewe.

Zaburi 86:8

Nta gihwanye nawe mu bigirwamana, Mwami; Kandi nta bikorwa biriho bihwanye n’ivyawe.

Zaburi 89:8

Uhoraho Mana Nyen’ ingabo, Ni nde munyenkomezi ahwanye nawe, Uhoraho? Kuba umwizigirwa kwawe kuragukikije.

Kuvayo 15:11

Uhoraho, mu vyitwa imana n’iyihe ihwanye nawe? N’iyihe ihwanye nawe, wewe w’icubahiro kivuye mu kwera, Wewe uteye ubgoba kubg’ ibihambaye ukora, wewe ukora ibitangaza?

1 Petero 1:16

Kuko vyanditswe, ngo Mube abera, kuko nanje nd’uwera.

Yeremiya 10:6

Nta gihwanye nawe, Uhoraho, kuk’ uhambaye, kand’ izina ryawe rikaba irihambaye kubg’ ububasha bgawe.

Yesaya 57:15

Kuk’ ukw ari kw Imwe iri hejuru isumba vyose igize, iba ahatazoshira, izina ryayo n’Uwera; iti Mba hejuru ahantu hēra, kandi mbana n’ūfise umutima umenetse wicisha bugufi, kugira ngo mpēmbūre imitima y’abicisha bugufi, mpēmbūre n’abafise imitima imenetse.

Gusubira mu Vyagezwe 3:24

nt’ Uhoraho Bgirukiro, jewe umusavyi wawe utanguye kunyereka ububasha bgawe n’ubushobozi bgawe buhambaye. Nti Mbega har’ iyindi mana, yaba iyo mw ijuru canke mw isi, yoshobora gukora ibikorwa n’ibihambaye bihwanye n’ivyo ukora?

Abalewi 19:2

ati Barira ikoraniro ry’Abisirayeli ryose, uti Mube abera, kuk’ Uhoraho Imana yanyu na we ar’ uwera.

Abaroma 15:4

Kukw ivyanditswe kera vyose vyandikiwe kutwigisha, kugira ngo kwihangana no guhumurizwa guheshwa n’ivyanditswe biduhe kwizigira ibizoba.

Yesaya 44:8

Mwoye gutinya canke guhagarika imitima: kera sinabibabariye nkabiserura? Namwe mur’ ivyabona vyo kunshingira intahe. Har’ iyindi Mana atari jewe? Mbere nta kindi gitandara kiriho: jewe nta co nzi.

Yesaya 40:18

None rer’ Imana mwoyigereranya na nde, canke mwoyishushanya n’ishusho ki?

Yesaya 6:3

Babarirana basemerera, bat’ Uwera, Uwera, Uwera, ni we Uhoraho Nyen’ ingabo: isi yose yuzuye icubahiro ciwe.

Zaburi 111:9

Yarungikiye abantu biwe ugucungurwa, Yageze isezerano ryiwe kuba iry’ ibihe bidashira; Izina ryiwe n’iryera kandi n’iry’ igitinyiro.

Zaburi 99:5

Ni mushire hejuru Uhoraho Imana yacu, Mwuname mur’ imbere y’ indava yo musi y’ibirenge vyiwe: Ni we yera.

Zaburi 89:6

Ni nde wo mw ijuru yogereranywa n’Uhoraho? Ni nde wo mu bana b’Imana ahwanye n’Uhoraho?

Gusubira mu Vyagezwe 32:39

Nuko rero mumenye yuko jewe, jewe ubganje, ari jewe Mana, Kandi kw ata yindi mana ibangikanye nanje: Ni jewe ntuma umuntu apfa, ni jewe ntuma umuntu abaho; Ni jewe nkomeretsa, ngakiza; Kandi nta woshobora kugira ico arokora mu kuboko kwanje.

Gusubira mu Vyagezwe 32:4

Ico Gitandara, igikorwa ciwe n’agahore; Kand’ inzira ziwe zose ziragororotse. N’Imana yo kwizigirwa, itarimwo kugabitanya, Iroranya, kandi y’Inyakuri.

Zaburi 99:9

Ni mushire hejuru Uhoraho, Imana yacu, Musengere ku murwa wiwe wera: Kuk’ Uhoraho, Imana yacu, ar’ uwera.

Zaburi 73:25

Ni nde mfise mw ijuru, atari wewe? Kandi mw isi nta we ngomba, atari wewe.

Zaburi 71:19

Mana, ukugororoka kwawe gushika hejuru kure: Ni wewe wakoze ibikomeye, Mana, ni nde ahwanye nawe?

Zaburi 71:3

Umbere igitandara co kubamwo, aho nzoshobora kwama mpungira: Wangereye kunkiza, Kukw ari wewe gitandara canje n’igihome kinkīngira.

Zaburi 18:2

Uhoraho n’igitandara canje, n’ubuhungiro bganje, n’ umurokozi wanje, N’Imana yanje, n’igitandara canje gikomeye, ni we nzohungirako; Ni we nkinzo yanje, n’ihembe ry’agakiza kanje, n’umunara wanje wo guhungiramwo.

Gusubira mu Vyagezwe 32:20

Aravuga, ati Reka mbahishe mu nyonga hanje, Ndābe iherezo ryabo uko rizomera; Kukw ar’ urunganwe rw’ ibidambidambi, N’abana batar’ abizigirwa.

Gusubira mu Vyagezwe 4:35

Ni mwebge mweretswe ivyo kugira ngo mumenye yuk’ Uhoraho ari we Mana, ata yindi iriho atari we.

Abaroma 4:8

Hahirwa umuntu Uhoraho atazoharūrakw icaha.

2 Samweli 7:22

Ni co gituma ur’ ūhambaye, Uhoraho Mana, kukw ata wuhwanye nawe, kand’ ata yindi Mana iriho twigeze kwumva atari wewe.

2 Samweli 22:3

N’Imana igitandara canje; ni we nzohungirako. Ni we nkinzo yanje, n’ihembe ry’agakiza kanje, n’ umunara wanje wo guhungiramwo, n’ubgugamo bganje; Ni wewe Mukiza wanje, unkiza umuryano w’abantu.

1 Abami 8:23

aravuga, at’ Uhoraho, Mana y’Abisirayeli, nta mana ihwanye nawe, uhereye hejuru mw ijuru no hasi kw isi; ni wewe wama ushitsa amasezerano, ukagirira imbabazi abasavyi bawe bagendera imbere yawe bitonze n’imitima yabo yose;

Zaburi 18:31

Ni nde Mana, atar’ Uhoraho? Ni nde Gitandara, atar’ Imana yacu?

Zaburi 99:3

Ni batazire izina ryiwe rihambaye riteye ubgoba: Ni we yera.

Abalewi 11:44

Kuko nd’ Uhoraho Imana yanyu: ni mwiyeze rero, mube abera, kuko nanje nd’ uwera; kandi ntimuze mwiyandurishe akanyonyera k’uburyo bgose kagendera hasi.

Abalewi 11:45

Kukw ari jewe Uhoraho nabadūganye mbakūye mu gihugu ca Egiputa, ngo mbe Imana yanyu: nuko rero mube abera, kuko nanje nd’ uwera.

Gusubira mu Vyagezwe 4:39

Nuk’ uyu musi mubimenye, mubishirekw imitima, yuk’ Uhoraho ari we Mana mw ijuru no mw isi, ata yindi.