1 Samweli 2:1 - Bibliya Yera 1951 1967 (Burundi)

¹ Maze Hana arasenga, at’ Umutima wanje uvugiriza Uhoraho impundu, Ihembe ryanje rivyuwe n’ Uhoraho; Akanwa kanje kāsamiye abansi banje, Kuko nnejerejwe n’agakiza kiwe.

1 Samweli 2:1 Referans Kwoze

Zaburi 13:5

Ariko nizigiye imbabazi zawe; Umutima wanje uzonezererwa agakiza kawe.

Filipi 4:6

Ntimugire ico mwiganyira, ariko muri vyose ivyo mugomba bimenyeshwe Imana, mu gusenga no mu kwinginga bifatanije no gukenguruka.

Zaburi 92:10

Ariko washize hejuru ihembe ryanje nk’iry’ imbogo, Nsīzwe amavuta masha.

Zaburi 89:17

Kuk’ ur’ icubahiro c’inkomezi zabo: Imbabazi zawe ni zo zizoshirisha hejuru ihembe ryacu.

Filipi 4:4

Mwame munezererwa mu Mwami wacu imisi yose; ndabivuze ubugira kabiri: ni munezerwe.

Zaburi 20:5

Tuzovugishwa impundu n’ agakiza kawe, Kandi kubg’ izina ry’Imana yacu tuzokwerekana amabendera yacu. Uhoraho ashitse ivy’ usaba vyose.

Zaburi 9:14

Kugira ngo nerekanire ishimwe ryawe ryose Mu marembo y’umukobga w’i Siyoni; Kandi nzonezererwa agakiza kawe.

Zaburi 35:9

Ni ho umutima wanje uzovugiriza impundu Uhoraho, Unezererwe agakiza kiwe.

Filipi 3:3

Kuko tweho tur’ abākebge, dusenga Imana mu buryo bga Mpwemu, tukirata Kristo Yesu, ntitwishimire ivy’ umubiri;

Abaroma 5:11

Kandi si vyo vyonyene, arikw ikindi, tunezererwa Imana kubg’ Umwami wacu Yesu Kristo, yaduhesheje kwuzura na yo.

Habakuki 3:18

Na ho nyene jewe nzonezererwa Uhoraho, Mpimbarwe n’Imana y’agakiza kanje.

Zaburi 118:14

Uhoraho ni we nkomezi zanje n’indirimbo yanje; Kandi yahindutse agakiza kanje.

Zaburi 89:24

Arikw imbabazi zanje no kuba umwizigirwa kwanje bizobana na we; Kand’ izina ryanje rizoshirisha hejuru ihembe ryiwe.

Kuvayo 15:21

Miriyamu akabaterera, ati Ni muririmbire Uhoraho, kukw ari n’intsinzi y’agahebūza: Ifarasi n’ūyigenderako yabinuze mu kiyaga.

Kuvayo 15:1

Maze Mose n’Abisirayeli baririmbira Uhoraho iyi ndirimbo, bati Ndaririmbira Uhoraho, kukw ari n’intsinzi y’agahebūza. Ifarasi n’ūyigenderako yabinuze mu kiyaga.

1 Petero 1:8

Uwo muramukunda naho mutigeze kumubona; kandi n’ubu, naho mutaramubona, muramwizera, bibatera kunezerwa akanyamuneza k’ubgiza katovugwa,

Zaburi 51:15

Mwami, teranura iminwa yanje, Ni ho akanwa kanje kazokwamamaza ishimwe ryawe.

Zaburi 18:2

Uhoraho n’igitandara canje, n’ubuhungiro bganje, n’ umurokozi wanje, N’Imana yanje, n’igitandara canje gikomeye, ni we nzohungirako; Ni we nkinzo yanje, n’ihembe ry’agakiza kanje, n’umunara wanje wo guhungiramwo.

Habakuki 3:1

Isengesho ry’uwavugishwa n’ Imana Habakuki, ryaririmbishwa mw ijwi ryitwa Shigiyonoti.

Zaburi 75:10

Kand’ amahembe yose y’ abanyakibi nzoyakōndōra; Arikw amahembe y’abagororotsi azoshirwa hejuru.

Zaburi 71:8

Akanwa kanje kazokwuzura ishimwe ryawe, N’icubahiro cawe umusi wīre.

Ivyahishuwe 18:20

Ni biguhimbare, wa juru, namwe abera n’intumwa n’abavugishwa n’Imana, kukw Imana igiciriyekw iteka, igihōra mwebge.

Luka 1:69

Kand’ iduhagurukirije ihembe ry’agakiza Mu nzu ya Dawidi umusavyi wayo,

Nehemiya 11:17

Hari na Mataniya mwene Mika, Mika wa Zabudi, Zabudi wa Asafu, ni we yaterera abaririmba ishimwe mu gihe co gusenga; na Bakibukiya yar’ uwa kabiri muri bagenzi biwe, na Abuda mwene Shamuwa, Shamuwa wa Galali, Galali wa Yedutuni.

Gusubira mu Vyagezwe 33:17

Impfizi yiwe y’uburiza, icubahiro n’icayo, Amahembe yayo ni nk’ay’ imbogo: Izoyicisha amahanga yose, gushitsa ku mpera y’isi. Ni kw amasinzi y’aba Efurayimu ameze, Bo n’ibihumbi vy’aba Manase.

Yobu 16:15

Nibaririyekw amagunira ku mubiri wanje; Ihembe ryanje narishiburiye mu mukungugu.

Zaburi 148:14

Kandi yashize hejuru ihembe ry’abantu biwe, Ni ryo shimwe ry’abakunzi biwe bose, Ni bo Bisirayeli, ihanga yiyegereje. Haleluya!

1 Samweli 1:6

Kandi mukēba we yama amushinyagurira, akamutera intuntu, kuk’ Uhoraho yamuzivye inda.

1 Samweli 1:7

Uko ni ko vyāgenda, uk’ umwaka utashe: uko Hana yadūga aja mu ngoro y’Uhoraho, ni ko mukēba we yamushinyagurira. Ni co cātuma arira, akanka kurya.

2 Ivyo ku Ngoma 20:27

Nuko baratabaruka, Abayuda n’ab’i Yerusalemu bose, Yehoshafati abakāmagiye imbere, basubira i Yerusalemu banezerewe, kuk’ Uhoraho yabahaye kwibonera abansi babo.

Zaburi 21:2

Wamuhaye ico umutima wiwe wifuza, Ntiwamwimye ico iminwa yiwe yasavye. Sela.

Zaburi 89:18

Kukw inkinzo idukīngira ar’ Uhoraho; Umwami wacu n’Uwera w’ Abisirayeli.