1 Samweli 1:9 - Bibliya Yera 1951 1967 (Burundi)

⁹ Maze barangije kurya no kunywa aho bāri bari i Shilo, Hana ava hasi. Kandi Eli umuherezi yari yicaye ku ntebe yiwe ku gishimaryango mu rusengero rw’Uhoraho.

1 Samweli 1:9 Referans Kwoze

1 Samweli 3:3

itara ry’Imana ritarazima, Samweli na we aryamye mu rusengero rw’Uhoraho, ah’ isandugu y’ Imana iba,

Zaburi 27:4

Ico nsaba Uhoraho ni kimwe, ni co nzohora nitwaririka: N’ukuba mu ngoro y’Uhoraho imisi yose y’ubugingo bganje, Nkarāba ubgiza bg’Uhoraho, nkihweza urusengero rwiwe.

Zaburi 5:7

Ariko jeho, ubginshi bg’imbabazi zawe buzonyinjiza mu ngoro yawe, Nzokwikubita hasi nsenge nkwubashe, nerekeye urusengero rwawe rwera.

2 Samweli 7:2

abarira ūvugishwa n’Imana Natani, at’ Ehe jewe mba mu nzu yubakishijwe amasederi, na yo isandugu y’Imana iba mw ihema gusa.

1 Samweli 3:15

Nuko Samweli araryama, ageza mu gitondo; aravyuka, yugurura inzugi z’inzu y’Uhoraho; arikw atinya kubarira Eli ivyo yeretswe.

Zaburi 29:9

Ijwi ry’Uhoraho riramburuza impongokazi, Kandi rigakōkōra ikibira; Kandi mu rusengero rwiwe vyose bikavuga, bit’ Icubahiro kibe icawe.

Kuvayo 21:6

shebuja amuzane aho ndi, jewe Imana, aheze amuhagarike ku rugi canke ku gishimaryango, amutoboze ugutwi umugera; uwo az’ arinde apfa akimujākariye.

1 Samweli 1:10

Maze Hana asenga Uhoraho afise intuntu, arira cane,

1 Samweli 4:13

Kand’ aho yaza, Eli yari yicaye ku ntebe yiwe i ruhande y’inzira, ategereye agakuru, kuko yar’ ahagaritswe umutima n’isandugu y’Imana. Nuk’ uwo muntu ashitse mu gisagara, avuga inkuru z’ivyabaye; abo mu gisagara bose bacura umuborogo.