1 Petero 5:6 - Bibliya Yera 1951 1967 (Burundi)

⁶ Nuko mwicishe bugufi muri musi y’ukuboko kw’Imana kw’ubushobozi, kugira ngw iz’ ibashire hejuru mu gihe gikwiye.

Bibiliya mu Kirundi coroshe

⁶ Nuko rero mwicishe bugufi, musi y’ikiganza c’Imana c’ubushobozi kugira ngo ize ibashire hejuru mu gihe gikwiye.

1 Petero 5:6 Referans Kwoze

Yakobo 4:10

Mwicishe bugufi imbere y’Umwami Imana, na yo izobashira hejuru.

Luka 14:11

Kuk’ umuntu wese yishira hejuru azocishwa bugufi, kand’ uwicisha bugufi azoshirwa hejuru.

Imigani 29:23

Ubgibone bg’umuntu buzomusubiza hasi, Arik’ uw’ umutima uciye bugufi azoronka icubahiro.

Matayo 23:12

Ūzokwishira hejuru azocishwa bugufi, kand’ ūzokwicisha bugufi azoshirwa hejuru.

Luka 18:14

Ndababgire, Uwo muntu yamanutse aja i we, atsindanishirijwe kuruta wa wundi; kuk’ uwishira hejuru wese azocishwa bugufi, arik’ uwicisha bugufi azoshirwa hejuru.

Luka 1:52

Yirukanye abaganza ku ntebe zabo, Yashize hejuru abafafara.

2 Ivyo ku Ngoma 32:26

Ariko Hezekiya yicisha bugufi, yihana ubgo bgibone bgo mu mutima wiwe, ubgiwe n’ababa i Yerusalemu, bituma uburake bg’Uhoraho butabashikīra ku ngoma ya Hezekiya.

2 Ivyo ku Ngoma 12:12

Nuko yicishije bugufi, uburake bg’Uhoraho bumuvako, ntiyabarandura rwose; kandi n’i Buyuda vyari bikimeze neza.

2 Ivyo ku Ngoma 33:12

Maz’ abonye kw ashitse mu magorwa, yinginga Uhoraho Imana yiwe, yicisha bugufi ashika hasi imbere y’Imana ya ba sekuruza.

Yesaya 40:4

Umwonga wose uzokwuzuzwa, n’umusozi wose n’akarambi bizoringanizwa; ahār’ udutumba hazotega, uduhogoro ducike ikiyaya.

Yeremiya 44:10

Ntibarīcīsha bugufi gushitsa no kur’ uyu musi, ntibaratinya, ntibaragendera mu vyagezwe vyanje, canke mu mabgirizwa yanje, ivyo nashize imbere yanyu n’imbere ya ba sogokuruza.

Zaburi 75:10

Kand’ amahembe yose y’ abanyakibi nzoyakōndōra; Arikw amahembe y’abagororotsi azoshirwa hejuru.

Yesaya 2:11

Kurābana agakēngērwe kw’abantu kuzocishwa bugufi, n’ubgibone bg’abahambaye buzosubizwa hasi, Uhoraho wenyene ni we azoba ashizwe hejuru kur’ uwo musi.

2 Abami 22:19

ngo Kuko watsinzwe mu mutima wawe, ukicisha bugufi imbere yiwe, igihe wumva ivyo yavuze kur’ aha hantu bo n’abahaba, ingene hazocika imisaka n’ikivume, ukitantamurirakw impuzu zawe, ukaririra imbere yiwe, ngo Na we arakwumvise; ni k’Uhoraho agize.

1 Abami 21:29

riti Mbeg’ urabonye ingene Ahabu yicishije bugufi imbere yanje? Ko yicishije bugufi artyo imbere yanje, sinzozana ivyo vyago ku ngoma yiwe, ariko ku ngoma y’ umuhungu wiwe ni ho nzozana ivyo vyago ku nzu yiwe.

Mika 6:8

Ko yakweretse iciza ic’ ari co, ga yewe muntu: mbega har’ ikindi Uhoraho akugombako, atar’ ugukora ibiroranye, no gukunda kugira imbabazi, no kugendana n’Imana yawe wicishije bugufi?

Yesaya 57:15

Kuk’ ukw ari kw Imwe iri hejuru isumba vyose igize, iba ahatazoshira, izina ryayo n’Uwera; iti Mba hejuru ahantu hēra, kandi mbana n’ūfise umutima umenetse wicisha bugufi, kugira ngo mpēmbūre imitima y’abicisha bugufi, mpēmbūre n’abafise imitima imenetse.

Kuvayo 10:3

Mose na Aroni baja kwa Farawo, baramubgira, bat’ Uku ni k’ Uhoraho, Imana y’Abaheburayo, agize, ng’ Uzogeza ryari kwanka kwicisha bugufi imbere yiwe? Ngo Reka abantu biwe, bagende bamusabe.

Abaroma 5:6

Tugifise intege nke, mu gihe gikwiye Kristo yapfiriye abatubaha Imana.

Daniyeli 5:22

Ariko nawe, Belushaza, umwana wiwe, ntiwicishije bugufi mu mutima wawe, naho war’ uzi ivyo vyose;

Yeremiya 13:18

Barira umwami n’umugabekazi, uti Ni mwicishe bugufi, mwicare hasi, kukw ibitsibo vyanyu bishajije mwambaye mu mutwe biriko birakoroka.

Zaburi 89:13

Ufise ukuboko kw’inkomezi, Ukuboko kwawe kurakomeye, ukuboko kwawe kw’i buryo gushizwe hejuru.

2 Ivyo ku Ngoma 30:11

Mugabo bamwe bo mu Basheri no mu Bamanase no mu Bazebuloni barīhanūra, baja i Yerusalemu.

2 Ivyo ku Ngoma 33:23

Ntiyicisha bugufi imbere y’ Uhoraho, nk’uko se Manase yicishije bugufi, ariko Amoni uwo agenda arushiriza gucumura.

2 Ivyo ku Ngoma 36:12

na we akora ivyo Uhoraho Imana yiwe abona kw ari bibi; ntiyicisha bugufi imbere y’uwavugishwa n’ Imana Yeremiya, iy’ amubariye ibiva mu kanwa k’Uhoraho.

1 Korinto 10:22

Cank’ Umwami tumutere ishari? Mbega tumurusha inkomezi?

EZEKIYELI 21:6

Nukw enda niha, ewe mwana w’umuntu, unihire imbere yabo kubg’ umutima usāvye no kubg’ intuntu nyinshi.

Yobu 36:22

Rāba Imana ikora ibihambaye mu bushobozi bgayo: Umwigisha ahwanye na yo ni nde?

2 Ivyo ku Ngoma 33:19

Kandi n’ivy’ isengesho ryiwe, n’ ingene yemerewe, n’ivy’ ivyaha vyiwe vyose n’ugucumura kwiwe, n’ivy’ ahantu hose yatavye ibitabo, akahashinga inkingi za Ashera n’ibishushanyo bibājwe, ataricisha bugufi, ivyo vyanditswe mu majambo ya Hozayi.

Gusubira mu Vyagezwe 32:35

Uguhōra n’ukwanje, nzobasubiriza mu nkōko Igihe ibirenge vyabo bizonyerera. Kuk’ umusi w’ivyago vyabo uri hafi, Kand’ ibigira bibazeko bizotebuka.

Abalewi 26:41

ari kwo kwatumye nanje nnyuranya na bo, nkabahindira mu gihugu c’abansi babo; kandi ni bicisha bugufi ico gihe mu mitima yabo imeze nk’imibiri itakebge, bakarīmbūka, bakemera yukw ibihano bāhanwe ar’ ivyazanywe n’ibigabitanyo vyabo;

Kuvayo 32:11

Mose atakambira Uhoraho Imana yiwe, ati Mbeg’ Uhoraho, n’iki gitumye uburake bgawe bururumba ku bantu bawe wakūje mu gihugu ca Egiputa ububasha bginshi n’ukuboko kw’inkomezi?

Kuvayo 3:19

Kandi ndazi yuk’ umwami wo muri Egiputa atazobakundira ko mugenda, shit’ ukuboko kw’inkomezi kumugondoje.

Yakobo 5:10

Abāvugishijwe mw izina ry’Umwami Imana bababere icitegererezo bene Data, co kubabazwa no kwihangana.

Tito 1:3

Ariko mu bihe yitoranirije yerekanishije ijambo ryayo ubutumwa najejwe, nk’ukw Imana Umukiza wacu yageze.

EZEKIYELI 17:21

Kand’ impunzi zo mu ngabo ziwe zose zizohindikiranywa n’inkota, na bo abasigaye bazoshwiragirizwa mu birēre vyose: kandi muzomenya yuko jewe Uhoraho nabivuze.

1 Timoteyo 2:6

yitanze kw incungu ya bose. Kand’ ivyo bishingirwe intahe mu bihe vyavyo,

Yakobo 4:7

Nuko mugamburukire Imana, ariko murwanye wa Murwanizi, na we azobahunga.