1 Petero 3:3 - Bibliya Yera 1951 1967 (Burundi)

³ Ugushaza kwanyu ntikube ukwo ku rukoba kwo gutsiba umushatsi, cank’ ukwo kwambara izahabu cank’ ukwo kwambara impuzu nziza;

Bibiliya mu Kirundi coroshe

³ Ntimwiteho cane ubwiza bw’inyuma ku mubiri buhagaze ku buryo kanaka bugezweho bwo gusokoza umushatsi, kwambara ibintu vyo kubashariza bikozwe mu nzahabu, canke impuzu z’igiciro kinini.

1 Petero 3:3 Referans Kwoze

Abaroma 12:2

Ntimushushanywe n’ivy’ iki gihe, yamara muhinduke rwose, mugize imitima misha, kugira ngo mumenye neza ivy’ Imana igomba, ni vyo vyiza bishimwa, bitunganye rwose.

Yesaya 61:10

Nzonezererwa cane Uhoraho, umutima wanje uvugirize impundu Imana yanje; kuko yanyambitse imyambaro y’agakiza, akansēsa hejuru umutamana w’ubugororotsi, nk’uk’ umukwe ashazisha igitsibo, kandi nk’uk’ umugeni ashazisha utugenegene twiwe.

Yeremiya 4:30

None weho, ni wanyagwa, uzogira ute? Naho wokwambara impuzu zisa n’agahama, ukīsakara utugenegene tw’izahabu, ukīraba amarangi mu maso, uzoba washarije ubusa: abūzure bawe baragukēngēra, barondera ingene bokwica.

Yeremiya 2:32

Mbeg’ umwigeme yoshobora kwibagira utugenegene twiwe? Cank’ umugeni yokwibagira umwitwikiro wiwe? Arikw abantu banje bānyibagiye imisi myinshi itoharūrwa.

Yesaya 52:1

Ikangure, ikangure, wambare inkomezi zawe, ewe Siyoni; ambara imyambaro yawe ishajije, ewe Yerusalemu wa murwa wera; kuk’ uhereye none muri wewe hatazoshika ūtākebge cank’ igihumane.

Kuvayo 33:4

Abantu bumvise iyo nkuru mbi bagira umubabaro, ntihaba hakigira umuntu yambara utugenegene twiwe two gushaza.

Itanguriro 24:53

Uwo muntu asokorora utugenegene tw’ifeza n’utw’ izahabu, n’impuzu, abiha Rebeka: kand’ aha na musaza we na nyina ibintu vy’igiciro.

Itanguriro 24:47

Nca ndamubaza, nt’ Uri mwene nde? ati Ndi mwene Betuweli, uwo Nahori yavyaranye na Miluka. Nca ndamwambika impeta ku zuru, n’ ivyambarwa ku maboko.

Itanguriro 24:22

Nukw izo ngamiya zimaze guhodoka, uwo mugabo yābīra impeta y’izahabu, kuriba kwayo kwar’ igihimba ca shekeli, n’ivyo kumwambika ku maboko bibiri vy’ izahabu, kuriba kwavyo kwari shekeli cumi;

Zaburi 45:9

Mu ncoreke zawe z’icubahiro harimw’ abakobga b’abami: I buryo bgawe hahagaze umwamikazi yambaye izahabu yavuye muri Ofiru.

Kuvayo 38:8

Maz’ acura ikigārigāri mu miringa, co gukaraba, acura n’ intebe yaco mu miringa nyene, abicuze mu vyīrore vy’imiringa vy’abagore bākoranira ku muryango w’ihema ry’ibonaniro gukora ibikorwa.

Kuvayo 32:2

Aroni arabishura, ati Ni mukātūre impeta z’izahabu, ziri ku matwi y’abagore banyu no ku y’abahungu n’abakobga banyu, muzinzanire.

EZEKIYELI 23:40

Ubabgire, ut’ Ikigeretseko, mwatumye ku bagabo ba kure; na bo batumwekw intumwa baraza; muriyuhagira ngo mubarābikire, mwiraba amarangi mu maso, mwisakara utugenegene twanyu,

Esiteri 5:1

Bukeye ku musi ugira gatatu, Esiteri yambara imyambaro yiwe y’ubgamikazi, aragenda ahagarara mu karusha ko ku ngoro y’umwami, aharābana n’iyo ngoro nyene; kand’ umwami yar’ avyagiye ku ntebe yiwe y’ubgami mu ngoro, atumberanye no mw irebe.

Kuvayo 35:22

Haza abemeye gutanga bose bivuye ku mutima, abagabo n’abagore, bazana impeta zo mu mazuru n’izo mu matwi, n’izo bādomesha ibimenyetso, n’inyerere, vyose ar’ utugenegene dukozwe mw izahabu; umuntu wese yar’ afise icitwa izahabu yakizana kugishikanira Uhoraho.

Kuvayo 3:22

arik’ umugore wese azosaba umubanyi wiwe, mber’ azosaba n’umugore yashembereje, utugenegene tw’ifeza n’ utw’ izahabu, bo n’imyambaro: kandi muzovyambika abahungu banyu n’abakobga banyu; uko ni ko muzonyaga Abanyegiputa.

2 Abami 9:30

Maze Yehu ashitse i Yezireli, Yezebeli arabibarirwa; aca yīraba amarangi mu maso, asokoza umushatsi, araheza arungurukira mw idirisha.

1 Petero 3:2

ni bābona ingeso zanyu zitunganye zifatanije n’ugutinya.