1 Petero 3:12 - Bibliya Yera 1951 1967 (Burundi)

¹² Kukw inyonga z’Uhoraho ziri ku bagororotsi, N’amatwi yiwe ari ku vyo basenga, Arikw igitsure c’Uhoraho kiri ku bakora ibibi.

Bibiliya mu Kirundi coroshe

¹² Kuko inyonga z’Uhoraho ziri ku bagororotsi kandi amatwi yiwe ayabangira ugusenga kwabo. Ariko igitsure ciwe kiri ku bakora ibibi.”

1 Petero 3:12 Referans Kwoze

Yohana 9:31

Turazi kw Imana itumviriza abanyavyaha, arik’ ūyubaha, agakora ivyo igomba, uwo ni we yumviriza.

Imigani 15:29

Uhoraho aba kure y’abanyakibi, Ariko yumva ugusenga kw’ abagororotsi.

Imigani 15:3

Inyonga z’Uhoraho zir’ ahantu hose, Zītegereza ababi n’abeza.

2 Ivyo ku Ngoma 7:15

Uhereye ubu, nzokwama ntereza inyonga zanje ndābe, ntege amatwi yanje numve amasengesho asengerwa aha hantu.

Imigani 15:8

Ikimazi abanyakibi batanga n’ igisesema k’Uhoraho, Arikw ahimbarwa n’ugusenga kw’abagororotsi.

2 Ivyo ku Ngoma 16:9

Kand’ inyonga z’Uhoraho zinyuranganya mw isi yose hirya no hino, kugira ngo yerekane ububasha bgiwe bgo gutabara abafise imitima imutunganiye. Mu vyo wakoze ivyo, wakoze ivy’ ubupfu; nuk’ uhereye ubu uzohora ubona intambara.

Yakobo 5:16

Mwaturanire ivyaha vyanyu, musengeranire, kugira ngo mukire indwara. Ugusaba kw’umugororotsi kugira ikimazi kuri vyinshi mu gikorwa cakwo.

Zaburi 65:2

Wewe wumva ivyo usabga, Abafise umubiri bose bazoza kuri wewe.

EZEKIYELI 15:7

Kandi nzobatungīra igitsure; bazova mu muriro basubire mu wundi ubatongore; kandi namwe muzomenya yuko jewe nd’ Uhoraho, abo ni nabatungīra igitsure.

Gusubira mu Vyagezwe 11:12

n’igihugu Uhoraho Imana yanyu yāmizak’ umutima, kand’ agihozakw ijisho, uhereye ku ntango y’umwaka ugashitsa kw iherezo ryawo.

Zaburi 80:16

Uwo muzabibu waraturiwe, waratemwe; Bahonejwe n’igitsure co mu nyonga hawe.

Abalewi 26:17

Kandi nzohoza igitsūre canje kuri mwebge, muzoneshwa n’abansi banyu: ababanka ni bo bazobaganza; kandi muzohunga ata kibirukanye.

Abalewi 20:3

Nanje nzohoza igitsūre kur’ uwo muntu, ndamurandure mu bgoko bgabo, ndamuhōye gushikanira Moleki uwo mu bana biwe, akanduza Ahēra hanje, agatukisha izina ryanje ryera.

Yeremiya 21:10

Kuko ntungiriye igitsure iki gisagara ngo nkizanekw amagorwa, sinkizanekw amahirwe, ni jewe Uhoraho mbivuze; kizotangwa mu kuboko kw’umwami w’i Babuloni, kand’ azogitongoza umuriro.

Zaburi 11:4

Uhoraho ari mu rusengero rwiwe rwera, Uhoraho, intebe yiwe iri mw ijuru. Acacisha inyonga ziwe abana b’abantu, mu kigohe ciwe harabasuzuma.

Abalewi 20:6

Umuntu yirukira abahamagara imizimu n’abamenyi, akaja kubaraguza, akabahurumbira nk’ ikimaka; nzohoza igitsūre canje kuri we, ndamurandure mu bgoko bgabo.

Abalewi 17:10

Kand’ umuntu wese wo mu nzu ya Isirayeli, canke wo mu banyamahanga baba muri bo, azokwigera ageza ubuseri mu kanwa, nzohoza igitsūre canje kur’ uwo muntu yariye ubuseri, ndamurandure mu bgoko bgabo.

Zekariya 4:10

Mbega har’ uwogaya ibikir’ umugero ku musi w’intangamarāra? Bazonezerwa babonye karisho mu ntoke za Zerubabeli. Ya yandi ndwi ni zo nyonga z’Uhoraho, zinyuranganya mw isi yose hirya no hino.

Zaburi 33:18

Eh’ ijisho ry’Uhoraho riri ku bamwubaha, Riri ku bīteze imbabazi ziwe:

Yeremiya 39:12

ati Mujane, umuzigame neza, ntugire ico umugira; kand’ ukw azogomba abe ari k’uzomugirira.