1 Petero 1:17 - Bibliya Yera 1951 1967 (Burundi)

¹⁷ Kandi kw Iyo mwambaza muyita So ari yo icira umuntu wese urubanza rukwiranye n’ivyo yakoze itarobanuye ku cubahiro, mumare igihe co kuba inyambukīra mutinya.

Bibiliya mu Kirundi coroshe

¹⁷ Mwibuke ko Data wo mw’ijuru, uwo musenga, adaca urwa nkunzi, hanyuma bitume mubaho muyitinya kandi muyubaha mu gihe musigaje kuba kuri ino si mubako nk’ingenzi.

1 Petero 1:17 Referans Kwoze

2 Ivyo ku Ngoma 19:7

Ariko mugende mwubaha Uhoraho, mwiyubare mu vyo mukora; kuk’ Uhoraho Imana yacu ata kugabitanya kuri muri we, canke gutinya ijunja ry’umuntu, canke kurya ingurire.

Matayo 6:9

Nuko musenge murtya, muti Data wa twese wo mw ijuru, izina ryawe ryubahwe,

Filipi 2:12

Nuko rer’ abo nkunda, nk’uko mwamye muganduka abe ari ko mushitsa agakiza kanyu, mutinya muhinda agashitsi, yamara s’iyo ndiho gusa, ariko n’ubu nyene naho ntar’ iyo ni murushirize.

2 Korinto 7:1

Nuko bakundwa, ko dufise ivyo vyasezeranywe, twiyuhagire ubuhumane bgose bg’umubiri n’ubg’ umutima, kuba abera tugushikishe kwubaha Imana.

Abaheburayo 12:28

Ni co gituma, kuko twākīra ubgami budashobora kunyiganyizwa, dukwiye gukenguruka, kugira ngo tubone ingene dukorera Imana tuyihimbaye, tuyubaha tuyitinya:

Abanyefeso 1:17

ngw Imana y’Umwami wacu Yesu Kristo, Data wa twese w’ubgiza, ibahe umutima w’ubgenge no guhishurirwa mu kuyimenya;

Galatiya 2:6

Arikw abashimwa kw ari bakuru — uko bari bameze ubga mbere simbibabaye, kubganje vyose ni bimwe, Imana ntirobanura abantu ku cubahiro — abo bashimwa nta co bānyongerereje.

Abaroma 11:20

Ni ko: ukutizera ni kwo kwayahanyuje, nawe ukwizera ni kwo kuguhagaritse. Ntiwibone, ariko wiyubare.

Matayo 22:16

Bamutumakw abigishwa babo hamwe n’abantu ba Herode, bati Mwigisha, turazi yuk’ ur’ umunyakuri, kandi ko wigisha inzira y’Imana vy’ukuri, kandi k’udatinya umuntu n’umwe ku kigohe; kuk’ udatinya ijunja ry’abantu:

Yeremiya 3:19

Ariko narībajije, nti Nogushira nte mu bana banje, nkaguha igihugu c’igikundiro, nkaguha umwandu mwiza uruta iy’ ayandi mahanga yose? Nari naravuze, nti Muzonyita umuvyeyi wanyu, kandi ntimuzokebanuka ngo mumve inyuma.

1 Petero 2:11

Abo nkunda, ndabinginga, ko mur’ inyambukīra n’ingenzi mwirinde ivyifuzo vy’umubiri birwanya ubugingo;

Abaheburayo 4:1

Nuko, kukw isezerano ryo gushika mu buruhukiro bgayo rikiriho, twiyubare kugira ngo kumbure ntihagire uwo muri mwebge yiyumvirwa kw akērerewe.

Kolosayi 3:25

Kuk’ ūgabitanya azokwihōrwa nk’uko yagabitanije: kandi nta kurobanura ku butoni.

Abanyefeso 6:9

Namwe ba shebuja, mubagirire murtyo nyene, mwirinde kubakangisha, kuko muzi yuko Shobuja musangiye ari mw ijuru, kandi ntarobanura abantu ku butoni.

Abanyefeso 3:14

Ni co gituma mpfukamira Data wa twese,

Imigani 28:14

Hahirwa umuntu yama yiyubara; Arik’ uwikomantaza umutima azogwa mu vyago.

Yobu 34:19

None ntibirushirije kuba ibitabereye kubibarira Īdatinya abaganwa ku kigohe, Ntikunde umutunzi kumurutisha umworo, Kuko bose ar’ igikorwa c’ intoke zayo?

1 Petero 3:15

ariko mwubahe Kristo mu mitima yanyu kw ari we Mwami, muhore mwiteguye kwishura umuntu wese ababajije inyanduruko y’ivyizigiro biri muri mwebge, ariko muri n’ubugwaneza, mutinya,

2 Korinto 5:6

Ni co gituma na ntaryo turinda mu mutima, kandi tumenya yukw iyo tur’ i wacu mu mubiri tuba tugerereye kure y’Umwami wacu —

2 Korinto 1:2

ubuntu bube muri mwebge n’amahoro, biva ku Mana Data wa twese no ku Mwami Yesu Kristo.

Zefaniya 3:9

Kukw ico gihe nzohindura amoko bagire ururimi rutunganye, kugira ngo bose babone kwambaza izina ryanje jewe Uhoraho, bankorere bahuje inama.

Imigani 14:16

Umuntu w’ubgenge ariyubara, agahunga ibibi, Arikw igipfu cidudarika, kikiremesha.

Zaburi 39:12

Umva gusenga kwanje, Uhoraho we, tegera ugutwi ugutakamba kwanje; Ntiwicire amatwi amarira yanje. Kuko nd’ umushitsi kuri wewe, N’inyambukīra nk’uko ba sogokuruza bose bāri bameze.

1 Ivyo ku Ngoma 29:15

Kukw imbere yawe tur’ akavantara n’abātsi b’indaro, nk’uko ba sogokuruza bose bāri bameze; imisi yacu tumara kw isi ihwanye n’igitūtu, kandi nta vyizigiro dufise.

Gusubira mu Vyagezwe 10:17

Kuk’ Uhoraho Imana yanyu ar’ Imana isumba izindi, n’Umwami asumba abandi, n’ Imana ihambaye, n’Inyabushobozi iteye ubgoba, idatinya abantu ku kigohe, itarya ingurire.

Itanguriro 47:9

Yakobo yishura Farawo, at’ Imyaka y’ukuyerera kwanje kw isi n’ijana na mirongwitatu: iyo myaka mbayeho ibaye mike kandi mibi, ntingana n’imyaka ba sogokuruza bamaze, mu misi y’ukuzenzagira kwabo.

2 Korinto 7:11

Ntimubona uwo mubabaro wo mu buryo bg’Imana, ukuntu wabateye umwete mwinshi urtyo? Kandi ko wabateye no kwiregura, no guhigimanga, no gutinya, n’inkumbu, n’ishaka, no guhana? Muri vyose mwiyerekanye ko mwejejwe mur’ ivyo.

Zaburi 89:26

Azontakambira, ati Ni wewe Data, Imana yanje, igitandara c’ agakiza kanje.

Matayo 16:27

Kuk’ Umwana w’umuntu azohava aza afise ubgiza bga Se, azananye n’abamarayika biwe; ni ho azoca yishura umuntu wese ibikwiranye n’ivyo yakoze.