Roma 6:18 - Waima

¹⁸ Wai ki'a herenai aba eirubunimi, bariu bero ena ta'ara ia'inai tuao.

Roma 6:18 Referans Kwoze

Roma 6:22

Ia wai bariu hanona ki'ai aba irubu obo, ba Tirama ena ta'ara ia'ina haumiai tuao. Ua buonai buabuami hanona robe taearana tohanai, puanai hanona mauri banaibanai.

Galatia 5:1

Keriso ehore aika aba erubunaka rauhubu aonai a'i kahamiaho. Ua buonai tomokori 'ini, a'i temebiri muenimi rauhubu ena ta'ara'i haumiai a'i tomoao marikina.

Roma 8:2

Pokina Keriso Iesu paunai Auba Robe rauhubuna mauri nimaiaina hauna ehore ki'a mai 'ari rauhubuna 'eukiai aba erubu obona'u.

Ioane 8:32

Weiana 'abi tohana kato'iobina, ba 'abi tohana kehore kerubunimi.”

Roma 6:7

Pokina e'ari hauna hanona ki'a hiabunai aba irubu.

Roma 6:14

Ki'a hanona wai emi poki haunai a'i keao, pokina wai hanona rauhubu ba'anai a'i ṯomiaho, ia Tirama ena aoko'o hoana ba'anai ṯomiaho.

1 Petero 2:16

Rauhubu herenai to'abaea haumiai katomiaho, 'a emi miaho 'abaea weiana aka ki'a ikaikauna tabanai a'i keao, wai hanona Tirama ta'arana ia'inai katoao.

Ioane 8:36

Ua buonai Nahuna kehore kerubunimi raninai wai hanona aba erubu tai baihanimi.

Luka 4:18

“Obiapaka Aubana hanona au aha'uai, pokina ebatohana'u pou namona kairoro aina uraru haukia herekiai. Euhuna'u kairoro tebirinakia haukia irubukia mai maha ki'a haukia kateiha mue, atetua aonai ṯemiaho haukia kabakarahinakia,