Mataio 9:27 - Waima

²⁷ Iesu 'eka weianai ekarahi aonai mahakia teki'a haukia rua murinai teka'a teio tetibaha, “Davida nahuna e, moaoko'o ainamai.”

Mataio 9:27 Referans Kwoze

Mataio 15:22

'Eka weianai Kanana babi'ena ha emai herena ba eapari etibaha, “Obiapaka Davida Nahuna e, moaoko'o aina'u, auba ki'a obona nahu'u uahouahona aonai nibahaiara ki'a bahana.”

Mataio 11:5

Maha ki'a haukia aba ṯeihaiha mue, ome haukia tika'a, morumoru haukia aba tinamo, haia po'o haukia aia tio'o, 'ari haukia ṯemikiri timauri, mai uraru haukia herekiai pou namona ṯeiroro aina.

Mataio 17:15

“Obiapaka e, Naha'u moaoko'oaina pokina ia hanona nawa ni'ariaina ena haiara eapa'ua, rani baika kipona iruba ai neno'au 'ao beiai nitobu.

Ioane 7:42

Puka robenai ṉa a'i e'abi aiho? Keriso hanona Davida nininai kerama Davida emiaho aiarana Betelehema aonai.”

Luka 7:21

Rani weianai Iesu hanona maearima bo'ona 'akina ekia inawa, hau haiara mai auba ki'a obokia aokiai haukia ebanamonakia, abomo maha 'iau haukia bo'ona mahakia ebano'a.

Mareko 11:10

'Aba'abaka Davida ena obia aiarana aba nimai hauna hamabanamona. Hosana, 'ubi toha tohana Tiramana hamabanamona.”

Mareko 9:22

Rani bo'ona auba ki'a obona nihore iruba ahanai nikapo 'auna mai beiai nikapo uhuna keba'arina. Kobabaina ketaina re'a, poaoko'o ainamai, pobarainamai.”

Mataio 21:9

Iesu wairanai mai murinai teka'a haukia teio tetibaha, “Hosana, Davida Nahuna 'euna! Obiapaka atanai nimai hauna Tirama kehore kebanamona! Hosana 'ubi toha tohanai!”

Mataio 1:1

Iesu Keriso ena rama kupu torina Aberahamo mai Davida bibirakiai emai.

Mataio 21:15

Robe haukia apa'uakia mai rauhubu poki haukia Iesu bamauri hoakia ebabai teihana abomo miori marea aonai teio tetibaha, ‘Hosana Davida Nahuna 'euna!’ raninai ia aokia teopuere,

Roma 9:5

Ia 'aba'abakia hanona maearima apa'uakia, ia ekia kupuai hanona Keriso hauaniai erama, ia hanona taba ikoikiai nipoki ainakia Tiramana, kahabanamona banaibanai. Amen.

Luka 20:41

Iesu ehore maearima ebakainakia etibaha, “Aeahoma buonai maearima ti'abi Keriso hanona Davida nahuna?

Luka 17:13

Iesu teaparina teio aota tetibaha, “Iesu poki haumu e, moaoko'o ainamai.”

Roma 1:3

ia Nahuna pouna, eka Obiapaka weiana Iesu Keriso, hauaniai hanona Davida nininai erama,

Mataio 9:28

Ia ituai etoto raninai mahakia teki'a haukia temai herena, ba Iesu ebakainakia etibaha, “Wai tua'ikakaumana'u au aka neiana kababaina hanona ketaina, u?” Ia te'abi tetibaha, “'E, Obiapaka, ṯa'ikakaumani'o.”

Mataio 20:29

Iesu i'abana haukia kipokia Ieriko tihabona aonai mako rarina ia murinai teka'a.