Mataio 3:1 - Waima

¹ Rani weianai Ioane Ba'uere robe hauna ewaira tina Iuda hano'akunai ena iroro ea'i ramana etibaha,

Mataio 3:1 Referans Kwoze

Luka 1:76

“Haeamona naha'u e, oi hanona kateaparini'o 'ubi toha tohanai hauna ena mahabanai haumu. Pokina oi ko'uai Obiapaka wairanai ena taeara koa'ia'i haraina,

Mataio 11:11

'Abi tohana au wai nahinabenimi, weiakia babi'e tebaramanakia haukia baiatakiai hau ha ba'uere robe hauna Ioane a'i etara haona, iamo weiana Tirama ena obia aiaranai eko'i ko'i hauna Ioane etara haona.

Mareko 1:15

Etibaha, “'Abi'uai ranina tohana abekara'au, Tirama ena obia aiarana aba ekaibari, emi ki'ai tomoraona kabe, Pou Namona tomo a'ikakaumana.”

Mataio 16:14

Ena 'abi tebamuena tetibaha, “Baika ti'abi Ioane ba'uere robe hauna, baika ti'abi Elia, haeamona baika ti'abi Ieremia 'ao mahabanai hauna ha.”

Iuhubeau Ekia Aka 1:22

Ioane ena ba'uere robe eramana raninai emaimo Iesu ekara'au kupa eao hanona ia abomo ua'a hauna kaha'i taeana. Ai kipokia kataka haeamo Iesu ena mikiri mue pouna ihinanai.”

Luka 7:24

Ioane euhunakia haukia temue murinai, Iesu haeamona to'u haukia herekiai Ioane pouna ehinana etibaha, “Toao hano 'akunai hanona taba katoihana? Baura kopura eabunakia katoihanakia, u?

Mataio 11:7

Ioane i'abana haukia tekamuri aonai, Iesu to'u haukia herekiai Ioane pouna ehina ramana. “Wai taba katoihana buonai toao hano'akunai? Baura kopura nibaibiunakia katoihanakia, u?

Mataio 3:8

Raonakabe buabuana tomobawaira tinana.

Mataio 21:32

Pokina ba'uere robe hauna Ioane emai heremi bero taearana ebaihanimi, ia wai a'i toa'i taeana 'a moni bararo haukia mai mahaporepore babi'ekia hanona tea'i taeana. Wai haeamona hoahoa weiana toihana, iamo a'i toraona kabe a'i toa'i taeana.”

Mareko 1:2

Isaia mahabanai hauna ererena etibaha, “Tirama e'abi, ‘E'u iuhubeau hauna ṉauhu 'uaina kewahi heremu, emu taeara kea'ia'i haraina.’ Mal 3.1