Luka 21:17 - Waima

¹⁷ Maearima ikoikiai kate'oatanimi au pau'uai.

Luka 21:17 Referans Kwoze

Ioane 15:19

Wai hanopaka 'eunai katoao raninai, ia kehore keraona'au ainimi ihobona ia 'euna tohana. Ia wai hanona hanopaka 'euna aha'i. Ia au hanopakai atina'animi paunai hanopaka nihore wai ni'oatanimi.

Luka 6:22

Maearima Nahuna paunai maearima ti'oatanimi, hoami tihorena, ti'abi ki'a heremiai, atami tia'i ki'anakia raninai wai hanona tonamo.

2 Korinto 12:10

Keriso paunai au na'abe'abe, 'abi ki'a obokia ṯehina here'uai, tibahau haiarana'u, ti'oatana'u abomo tibatetuana'u aokiai ao'u ninamo. Pokina au na'abe'abe aonai au hanona natabura toha.

Ioane 15:21

Wai hanona au eu'u paunai hoahoa neiakia heremiai katebabainakia, pokina euhuna'u hauna a'i te'iobina.

Ibawaira Tinana 2:3

Oi hanona obapahihi, mai atetua aokiai au ata'u paunai obakiro, a'i ohaba 'apua.

Pilipo 1:29

Keriso paunai eberuberu benimi hanona ia ia'ikakaumana mo kipona aha'i, ia paunai katohau haiara.

2 Korinto 4:11

Ai ṯamiaho emai mauri aonai rani ikoinai Iesu paunai 'ari ṯawairana, weiana hanona ai hauanimai neiana ke'ari hauna aonai Iesu ena mauri kewaira tina.

Ioane 17:14

“Emu 'abi aba abenakia ba hanopaka hanona aba ni'oatanakia, pokina au hanona hanopaka 'euna aha'i ihobona ia abomo hanopaka 'euna aha'i.

Mareko 13:13

Au pau'uai maearima ikoinai kate'oatanimi, ia tai kebapahihi keao puanai hauna hanona kemauri.

Mataio 24:9

Weiana wai hanona kateaoainimi katebahaiaranimi, kateahu 'arinimi, au buo'uai hanopaka ikoikiai wai kate'oatanimi.

Mataio 10:22

Maearima ikoikiai au buo'uai kateaotata ainimi, 'a tai kekori 'ini keao puanai hauna kemauri.

1 Petero 4:14

Wai Keriso ena maearimai paunai ṯehinabe ki'animi raninai, banamona hanona wai 'eumi pokina Tirama ena Auba weiana nuabi Auba Robena hanona wai ahamiai.

Iuhubeau Ekia Aka 9:16

Haeamona au kahore kabaihana ia kehaiara ki'a baha au ata'u paunai.”

Ioane 7:7

Hanopaka hanona a'i ke'oatanimi ia au ni'oatana'u, pokina au ia pouna ṉahinana weiana ia nibabaina hauna hanona eki'a.

Mataio 5:11

Au muri'uai tuka'a paunai maearima kateaiahunimi mai kate'oatanimi, bai'oi 'abikia ki'a obokia haeai haeai heremiai katehina hanona tonamo.

2 Korinto 4:5

Ai kipomai poumai a'i ṯairoro aina, ia ai ṯairoro ṯa'abi Iesu Keriso hanona Obiapaka, abomo ai hanona emi ta'ara'i haumai Iesu paunai.

Luka 21:16

“Hamami, hinami, uaho'abami, hatia'ami, mai emi hau katehore katehina hinainimi, abomo wai baika kateahu 'arinimi.

Luka 21:18

'A aramiai bui ha hamona a'i keki'a.