Iuda 1:4 - Waima

⁴ Pokina maearima baika aba bunianai tekatoto wai baiatamiai ṯemiaho. Ia hanona eka Tirama ti'oatana ena aoko'o hoana pouna tia'i banai haeaina ia kipokia ekia nabau hoa hoakia ki'a obokia tabakiai tibaonakia mai Iesu Keriso eka Obiapaka ikupaiana mo nipoki ainaka hauna tibaki'ana. Maearima neiakia ekia puma katehoaina pouna hanona aba wa'i baha Puka robenai ehina 'uaina.

Iuda 1:4 Referans Kwoze

Galatia 2:4

Eka to'u aonai uaho'aba bai'oikia baika bunianai tetoto, te'itimanaka Keriso Iesu aonai mauri ha'ina hauna kate'iobina, ekia nuatae hanona rauhubu ena ta'ara ia'inai patehoroti muenaka.

2 Petero 2:10

Weiakia ahakiai hanona hauani ena raona akakia ki'a obokia tika'ainakia ia Tirama ena hiabu a'i timariki aina haukia hanona puma rarina katehoai ki'a bahana. Ba'iobi haukia bai'oikia neiakia hanona ṯenuako'o mai tiapa, ekia mariki aha'i weiana nuabi haukia kupai ṯemiaho haukia herekiai ti'abi ki'a.

1 Ioane 2:22

Bai'oi hauna hanona tai? Ia hauna ni'abi Iesu hanona Keriso aha'i. Maearima uahomana hanona Keriso ena 'ou hauna, ia hanona Hama mai Nahu ohi nebuniainakia.

1 Petero 2:16

Rauhubu herenai to'abaea haumiai katomiaho, 'a emi miaho 'abaea weiana aka ki'a ikaikauna tabanai a'i keao, wai hanona Tirama ta'arana ia'inai katoao.

1 Petero 2:8

Abomo, “Maearima pihara weianai tikai tiehe herea haeamona tiehe ta'erai ti'eho.” Isa 8.14 Tirama ena 'abi a'i teona a'i teka'aina paunai ia ti'eho, weiana hanona ia itaukia Tirama ena raona ihobonai.

2 Timoteo 3:6

Maearima uahomakia baika hanona babi'e ekia raona teko'iko'i haukia ekia itu aokiai titoto, aokia tiani kipokia nabau akakia ki'a obokia tibabainakia babi'e weiakia hanona aka ki'a aonai ṯemiaho ekia nuatae ki'a obokia ihobonai.

Galatia 5:13

Uaho'aba'u e, Tirama eaparinimi hanona kerubunimi. Erubunimi haumi hanona hauani akakia ki'a obokia a'i katobabai, ia raona'auai ha ha kipomi katobarai barai haeamo.

2 Petero 3:7

Tirama ena 'abi hamonamo weiana ehore kupa mai hanopaka bariu ṯemiaho haukia ea'i 'ininakia irubai kebapururunakia, ia keaomo Tirama a'i timariki aina haukia ekia bakai mai pururu wapunai.

Iuda 1:15

Maearima ikoikiai kebabakainakia, Tirama a'i temariki aina haukia ekia babai ki'a pumakia kebahoainakia, haeamona Tirama herenai te'abi ki'a haukia ikoikiai behoai kehorotinakia.”

1 Petero 4:18

Puka robenai ṉa terere aihona, “Aka bero haukia bamauri ia'inai katearo'ari raninai Tirama a'i tia'i taeana haukia mai ki'a haukia aea katekori 'ini aiho?” Aot 11.31

Epeso 4:14

Ba aika hanona miori papakia 'abakiai a'i kahaeao, maearima weiakia ekia bai'oi 'abikiai mai ekia iriara ai a'i kate'oinaka matoha baura 'abana keabuao abuaonaka.

Iuhubeau Ekia Aka 15:24

Ai poumi aba taona 'abamai baika neia tewahi, ekia 'abiai aomi tiba haiaranakia abomo aomi tibaro'arinakia, ia ai hanona 'abi uahomana a'i tabenakia.

Iuhubeau Ekia Aka 11:23

Ia Antiokai ekara'au Tirama maearima ua ebanamo harai aihonakia eihana raninai ia aona hanona enamo, haeamona ikoikiai ebataburanakia Obiapaka aiana kateka'aina mai aokia ikoinai.

Ioane 17:3

Mauri banaibanai hanona neiana, maearima oi kate'iobini'o, oi hanona ikupaiamu mo Tirama tohamu, abomo kate'iobina Iesu Keriso oi ouhuna hauna.

Mataio 13:25

'A maearima ikoikiai teparua rea aonai, ena 'ou hauna emai witi baiatakiai awa ebatonakia ba eka'a.

Ibawaira Tinana 15:4

Obiapaka e, ikoikiai hanona oi kateta'u aini'o, mai oi atamu katea'i taeana. Pokina oi ikupaiamu hanona orobe. Hano ikoikiai hanona katemai oi wairamuai katekuti aini'o. Pokina oi emu babai berokia hanona aba tewaira tina.”

1 Timoteo 5:8

Weiana maearima ha hatia'ana 'ao ena itu haukia tohakia baraibarai ha a'i nibenakia hanona a'ikakauma babaina nebuniaina, maearima uahomana hauna hanona eki'a ki'a baha ba maearima weiana a'i nia'ikakauma hauna.

2 Timoteo 2:12

Aika hau haiara aokiai kahabatabura raninai, aika ia kipokia kahaobia oioi. Aika ia kahabuniaina raninai, ia abomo aika kebuniai ainaka.

2 Petero 2:7

Tirama ehore bero hauna Lota ebamaurina, ia hanona maearima weiakia rauhubu tikabenakia haukia ekia maha poreporeai aona eatetua.

Iuda 1:18

Haiamiai te'abi tetibaha, “Rani orekia katemai raninai Tirama a'i timariki aina maearimakia baika katewaira tina bapo'o po'o 'abikia heremiai katehinanakia haeamona kipokia ekia nuatae ki'a obokia taikia katetai.”