2 Timoteo 2:5 - Waima

⁵ Abomo beau baitaeai hauna beau rauhubukia ikoinai keka'ai harainakia, aha'i raninai beauai 'uai 'arana a'i kea'ina.

2 Timoteo 2:5 Referans Kwoze

Ibawaira Tinana 3:11

Au hanona aba kawahi, emu a'ikakauma aonai kotabura harai, weiana hau ha a'i mehore emu 'uai hoana 'aramu ai obau'una hauna a'i mepuhu boini'o.

Iakobo 1:12

Atetua aokiai nibapahihi hauna hanona keaonamo, pokina atetua aonai etabura ekabanai buonai mauri banaibanai weiana Tirama e'abi'uai aina ia tiraona'au aina haukia herekiai hauna kea'ina.

Kolose 1:29

Aka neiana paunai au naka'ari mai naro'ari Keriso nihore tabura mai hiabu au ao'uai hauna nibaibeni.

Heberu 12:4

Wai hanona ki'a kipokia ṯohuari, iamo a'i to'au tabura a'i teahu 'arinimi.

Luka 13:24

“Katotabura katoao pa'abi 'omo'omonai katototo. Pokina au wai nahina benimi, maearima bo'ona katenuatae katetoto ia a'i ketainakia.

Ibawaira Tinana 2:10

Aba kohau haiara iamo haiara weiana a'i kota'u aina. Haiamuai ṉa'abi, Tiaporo kehore wai baika kehobonimi weiana wapura itunai kekaiabunimi ba wapu harauhaea katohau haiara. Iamo oi hanona emu a'ikakauma au here'uai hauna koa'i 'inina keaomo ko'ari re'a, ba au kahore mauri kabeni'o matoha 'uai hoana kobau'una 'abana.

Heberu 2:9

Ia aika Iesu nahaihana, ia rani papana eriri aneru benukiai, ia 'ari ehau haiara aina paunai Tirama ehore nuabi mai mariki hoana ebabainuaina. Ia 'ari abiabina eonobaina maearima ikoikiai paukiai, weiana hanona Tirama ena aoko'o hoana.

Heberu 2:7

Oi ohore rani papana ia obariri 'apuana aneru benukiai, ia haeamona oi ohore nuabi mai mariki hoana 'akonai obabainuna.

Pilipo 1:15

'Abi tohana Keriso pouna ṯeiroro aina aonai baika hanona mai wamurukiai mai baiarakiai, ia baika hanona aokia namokiai.

1 Petero 5:4

Weiana mamoe i'ima poki hauna Keriso kekara'au raninai wai hanona 'ara ibahuabuna nuabina a'i ke'akauma 'apua hauna katoa'ina.

Ibawaira Tinana 4:10

kiro haukia haraurua bani tihore obia imia'auna ahanai emia'au hauna wairanai tikaipehu mauri banaibanai Tiramana ṯekuti aina. Ekia obia ibau'ukia 'arakiai tibau'unakia haukia tia'i obonakia obia imia'auna wairanai tibaenotina, ba ti'abi ṯetibaha,

Ibawaira Tinana 4:4

Obia imia'aukia ikoinai haraurua bani obia imia'auna apa'uana tekai kakaiarona abomo kiro haukia haraurua bani obia imia'aukia weiakia ahakiai temia'au, habuni pore obokia tebatoto mai 'arakiai hanona obia ibau'ukia gold ai ibabai haukia tebau'unakia.