1 Ioane 5:3 - Waima

³ Aika Tirama naharaona'au aina hanona ena rauhubu 'abikia kahaka'a ainakia. Abomo ena rauhubu 'abikia hanona a'i tepahihi aika herekai.

1 Ioane 5:3 Referans Kwoze

Ioane 14:15

“Wai au katoraona'au aina'u raninai e'u rauhubu 'abikia hanona katobabua 'aunakia.

Ioane 15:10

Au Hama'u ena rauhubu 'abikia ababua 'aunakia paunai ena raona'au aonai namiaho, ihobonai wai e'u rauhubu 'abikia katobabua 'aunakia raninai, wai abomo au e'u raona'au aonai katomiaho.

2 Ioane 1:6

'Abaka kaharaona'au ainakia hanona ihobona aika Tirama ena rauhubu 'abikia kahaka'a ainakia 'abana. Ena rauhubu 'abina neiana hanona aba popouna 'uruna tona, wai ikoimiai hanona raona'au aonai katomiaho.

1 Ioane 2:3

Aika Tirama ehina benaka 'abikia nahaka'a ainakia raninai kaha'iobina aika hanona Tirama ha'iobina.

Roma 7:22

Ao'u tohana Tirama ena rauhubu niaonamo aina.

Ioane 15:14

Au taba a'uahina hauna katobabaina raninai, wai hanona au e'u hau.

Heberu 8:10

Au, Obiapaka Tirama, haeamona na'abi, Weiana murinai 'abi'uai apa'uana ha kababaina Isaraela haukia herekiai hanona neiana. Au e'u rauhubu ia aokiai kahorotina mai ahekiai karerena. Au hanona ekia Tirama ai kaeao, ia hanona au e'u maearima ai kateao.

Roma 7:12

Ia rauhubu kipona hanona erobe, rauhubu 'abina kipona abomo erobe, weiakia hanona tebero mai tenamo.

Mataio 23:4

Puma rarikia iebebeai ṯebiri 'aunakia maearima 'arokiai tihore 'aunakia, 'a ia kipokia katea'i taeana hanona imakia riuriuna ituna ha a'i niata 'apuana.