1 Ioane 1:5 - Waima

⁵ Pou Keriso herenai taona hauna bariu ṯairoro aina heremiai hanona neiana. Tirama hanona ea, Ia aonai hanona wapura ha aha'i 'akina.

1 Ioane 1:5 Referans Kwoze

Ioane 8:12

Haeamona Iesu maearima ehinabe muenakia etibaha, “Au hanona hanopaka eana. Hau ha au muri'uai keka'a hauna hanona wapura aonai a'i keka'a, weiana ia hanona mauri eana kea'ina.”

Iakobo 1:17

Beruberu tabakia namokia ikoikiai mai ibeni tabakia bero 'aukia ikoikiai hanona 'ubiai timai, weiana ea tabakia ebabainakia Tiramana herenai timai, ia hanona a'i nihaeai abomo aiaia 'abanai a'i neibiu.

Ioane 1:9

Ea tohana hanona emai hanopakai maearima ikoinai herekiai kebaeanakia.

Ioane 1:4

'Abi hanona mauri pokina, ba mauri weiana hanona maearima ekia ea.

Ioane 9:5

Au hanopakai namiaho aonai au hanona hanopaka ena ea.”

Ibawaira Tinana 22:5

Rabi ha weia keaha'i, ramepa 'ao beraura eakia hanona a'i katenuatae ainakia, pokina Obiapaka Tirama kehore ea kebenakia. Haeamona ia hanona obia 'arana haukiai kateao katepoki keaomo banaibanai.

Ibawaira Tinana 21:23

Aiara apa'uana weiana hanona beraura 'ao nawa eakia a'i nenuatae, ia ahanai a'i kerara, pokina Tirama ena nuabi hanona aiara nibaeana Mamoe nahu hanona aiara ena ramepai niao.

1 Timoteo 6:16

Ia ikupaiana mo kemiaho banaibanai a'i ke'ari 'apua, ia hanona ea aonai nemiaho ea weiana hanona ea ki'a baha tai ha keao herena hanona a'i ketaina, maearima 'abaeana ha hanona Tirama a'i eihana 'ao a'i keihana. Mariki mai hiabu hanona Tirama herenai kemiaho banai banai. Amen.

1 Ioane 3:11

'Uainai toa'ikakauma aonai pou tona hauna neiana: Aika ha ha kaha raona'au ainaka.

1 Korinto 11:23

Ba'iobi neiana wai abenimi hauna hanona Obiapaka herenai a'ina hauna ihobona. Hinahinana ehina rabinai Obiapaka Iesu parawa ea'ina,

Ioane 1:19

Weia Ierusalemai Iuda haukia apa'uakia tehore robe haukia mai Lebi haukia teuhunakia teao Ioane herena katebakaina ia hanona tai.